گوگل نیوز پر ہمیں فالو کریںلاہور: سابق وزیرِ اعظم میاں نواز شریف کی صاحبزادی مریم نواز نے کہا ہے کہ تحریکِ انصاف کی وفاقی حکومت پاکستان کیلئے کینسر بن چکی ہے۔
سماجی رابطے کی ویب سائٹ ٹوئٹر پر اپنے پیغام میں ن لیگ کی نائب صدر مریم نواز نے کہا کہ کینسر کے مریضوں کیلئے مفت دوائی اس حکومت نے بند کی جو خود پاکستان کیلئے کینسر بن چکی ہے۔
بادی النظر میں وزیرِ اعظم عمران خان پر تنقید کرتے ہوئے مریم نواز نے کہا کہ کینسر کے مفت علاج کے نام پر چندہ خورعناصر نے اقتدار میں آ کر کینسر کے مریض کے سرکاری علاج کا حق بھی چھین لیا۔
کینسر کے مریضوں کے لیئے مفت دوائی اس حکومت نے بند کی جو خود پاکستان کے لیئے کینسر بن چکی ہے۔
کینسر کے مفت علاج کے نام پر چندہ خور عناصر نے اقتدار میں آکر کینسر کے مریضوں کے سرکاری علاج کا حق بھی چھین لیا ۔ pic.twitter.com/4o76DJJUVy— Maryam Nawaz Sharif (@MaryamNSharif) March 10, 2021
قبل ازیں لاہور کے کلمہ چوک پر میٹرو ٹریک پر بلڈ کینسر کے مریضوں نے احتجاج کیا۔ میٹرو ٹریک پر کینسر کی مفت ادویات کی بندش پر احتجاج کے باعث میٹرو بس سروس بند ہو گئی۔
بلڈ کینسر کے مریضوں کا کہنا تھا کہ ہمیں کینسر کے علاج کیلئے مفت ادویات فراہم کی جائیں جو موجودہ حکومت نے بند کر دی ہیں۔ ن لیگ کی نائب صدر مریم نواز نے مریضوں کے احتجاج کی خبر سوشل میڈیا پر شیئر کردی۔
یہ بھی پڑھیں: وزیرِ اعظم عمران خان، مستحق افراد اور ”کوئی بھوکا نہیں سوئے گا“ پروگرام
