گوگل نیوز پر ہمیں فالو کریںکراچی :ترجمان سندھ حکومت اور وزیراعلیٰ سندھ کے مشیر قانون، ماحولیات اور ساحلی ترقی بیرسٹر مرتضیٰ وہاب نے کہا ہے کہ تحریک انصاف کے وزراء کے بیانات میں مایوسی کے سوا کچھ نہیں ہے۔
ان خیالات کا اظہار انہوں نے پارلیمانی صحافیوں کے وفد سے ملاقات کے دوران کیا۔ترجمان سندھ حکومت نے کہا کہ مشیر تجارت عبدالرزاق داؤد کہتے ہیں کہ ہم مہنگائی کم کرنے کا کوئی ٹائم فریم نہیں دے سکتے۔
مزید پڑھیں : معاشی ترقی کے بارے میں وزیراعظم کے بیانات جھوٹ کا پلندہ ہیں ، مرتضیٰ وہاب
یہ وفاقی کابینہ کے اہم رکن ہیں اور قوم کو مایوسی کے دلدل میں دھکیلنے کی باتیں کر رہے ہیں۔انہوں نے کہا کہ خیبر پختونخوا کے وزیر اطلاعات عوام کو مشورہ دے رہے ہیں کہ اگر ٹما ٹر مہنگے ہیں تو عوام دہی استعمال کرے۔
مرتضیٰ وہاب نے وزراء کے بیانات پر سخت ردعمل دیتے ہوئے کہا کہ جب قوم کے سربراہ ہی مایوس کن باتیں کر رہے ہو تو عوام کو حوصلہ کون دے گا ؟۔
انہوں نے کہا کہ مہنگائی کو کم کرنے کے لیے موضوع اقدامات کرنے کے بجائے تحریک انصاف کے” دانشورـ” مشوروں سے کام چلا رہے ہیں اور سندھ میں تحریک انصاف کی قیادت کا روزگار صرف پیپلزپارٹی پر الزام تراشی ہے جبکہ ان کی مجموعی کار کر دگی کھل کر عوام کے سامنے آچکی ہے۔
یہ بھی پڑھیں :مہنگائی کا جن قابومیں نہ آسکا،مہنگائی کی اوسط شرح 22 فیصد سے تجاوز کر گئی
