گوگل نیوز پر ہمیں فالو کریںراولپنڈی :پاکستان ٹیلی کمیونیکشن کمپنی لمیٹڈ ( پی ٹی سی ایل ) نے راولپنڈی چیمبر آف کامرس اینڈ انڈسٹریز ( آر سی سی آئی) کے ساتھ تذویراتی شراکت داری قائم کرنے کیلئے مفاہمت کی یاداشت پر دستخط کئے ہیں جس کا مقصد راولپنڈی چیمبر سے بزنس کمیونیٹی کو پی ٹی سی ایل کی طرف سے جدید ترین ڈیجیٹل خدمات فراہم کرنا ہے۔
ان میں وائس، ڈیٹا، تیز ترین انٹرنیٹ، بین الاقوامی کنکٹویٹی، کلائوڈ کمپیوٹنگ، سرویلینس، ڈیٹا سینٹر، انفارمیشن سیکورٹی اور وائی فائی سلوشن جیسی مکمل طور پر منظم آئی ٹی اورٹیلی کام سروسز شامل ہیں۔ضرار خان، چیف بزنس سروسز آفیسر ( سی بی ایس او) ، پی ٹی سی ایل اور صبور ملک، پریزیڈنٹ، آر سی سی آئی ،نے معاہدے پر دستخط کئے۔
سہیل الطاف، گروپ لیڈر آر سی سی آئی، سلیمان اعوان، جی ایم ڈیجیٹل سروسز، پی ٹی سی ایل، راجا عمر اقبال، چیئرمین آئی سی ٹی قائمہ کمیٹی، آر سی سی آئی، نوشیروان خلیل، ایس وی پی، آر سی سی آئی اور حمزہ سروش، وی پی آرسی سی آئی بھی اس موقع پر موجود تھے۔
اس موقع پر اظہار خیال کرتے ہوئے صبور ملک، پریزیڈنٹ، آر سی سی آئی، نے کہا ’’ آر سی سی آئی ہمیشہ سے بزنس کمیونیٹی کو جدید خدمات کی فراہمی کا وژن رکھتی ہے اور کمیونٹی کی فلاح وبہبود اور ترقی کیلئے پہلے ہی متعدد منصوبوں کا آغاز کرچکی ہے۔
پی ٹی سی ایل کے ساتھ شراکت داری بڑے اور درمیانے درجے کے کاروبار کی ترقی بمعہ آئی ٹی اور ٹیک سٹارٹ اپس کیلئے معاون ثابت ہوگی۔مجھے پی ٹی سی ایل پر بطور قابل بھروسہ شراکت دار کے مکمل اعتماد ہے کہ وہ لوکل بزنس کمیونیٹی کو کاروبار کی ترقی میں معاونت فراہم کرے گا ۔ ‘‘
ضرارخان، چیف بزنس سروسزآفیسر، پی ٹی سی ایل، نے کہا ’’بالخصوص ڈیجیٹل سروسز کے شعبے میں آر سی سی آئی کے ساتھ شراکت داری پر خوشی ہے۔ آرسی سی آئی نے بزنس کمیونیٹی کی خدمت کیلئے پی ٹی سی ایل کو سٹریٹجک پارٹنر کے طور منتخب کیا ہے جو ملک کی اقتصادی ترقی میں اپنا اہم کردار اداکرتی ہے۔
آرسی سی آئی کی طرف سے اٹھائے گئے متعدد اقدامات قابل تعریف ہیں کیونکہ یہ اقدامات کاروبار با لخصوص ای کامرس میں جدت لانے میں مددگار ثابت ہونگے۔پی ٹی سی ایل اپنی متنوع پراڈکٹس اور ڈیجیٹل خدمات کے ذریعے پاکستان میں لوگوں کے طرز زندگی کو بہتر اور انہیں بااختیار بنانے کیلئے پرعزم ہے۔‘‘
مزید پڑھیں:حکومت کا ڈیجیٹل پاکستان کی جانب ایک اور قدم
