گوگل نیوز پر ہمیں فالو کریںپاکستان اسٹاک ایکسچینج میں آج کاروباری روز کے دوران مثبت صورتحال دیکھنے کو ملی، بینچ مارک کے ایس ای 100انڈیکس نے تجارتی سیشن کا اختتام فلیٹ نوٹ پر کیا۔
مارکیٹ کے بند ہونے پر، KSE-100 انڈیکس 41.13 پوائنٹس یا 0.10 فیصد اضافے کے ساتھ 40,246.67 پر بند ہوا۔
سعودی عرب اور UAE سے متوقع رقم کی آمد کی اطلاعات کے درمیان تجارت کا آغاز ایک مثبت نوٹ پر ہوا جس نے KSE-100 انڈیکس کو ابتدائی گھنٹے میں 40,372.59 کی انٹرا ڈے بلندی تک پہنچایا۔
آٹوموبائل، کیمیکل اور پاور جنریشن اور ڈسٹری بیوشن فائدہ کے ساتھ بند ہوئے جب کہ سیمنٹ، کمرشل بینک اور آئل اینڈ گیس مارکیٹنگ کمپنیوں کا دن سرخ رنگ میں ختم ہوا۔
KSE-100 انڈیکس کو اوپر کی طرف دھکیلنے والے شعبوں میں بینکنگ (34.38 پوائنٹس)، پاور جنریشن اور ڈسٹری بیوشن (20.83 پوائنٹس) اور سیمنٹ (18.00 پوائنٹس) شامل ہیں۔
آل شیئر انڈیکس کا حجم جمعرات کو 89.2 ملین سے بڑھ کر 94.8 ملین ہو گیا (جمعہ کو مارکیٹ بند تھی) جبکہ ٹریڈ ہونے والے حصص کی مالیت گزشتہ سیشن میں 2.76 بلین روپے سے بڑھ کر 3.05 بلین روپے ہو گئی۔
مزید پڑھیں:خزانہ کمیٹی کا اجلاس، الیکشن فنڈز کا معاملہ کابینہ اور قومی اسمبلی میں بھجوانے کا فیصلہ
آج کاروباری روز کے دوران 316 کمپنیوں کے حصص کا کاروبار ہوا جن میں سے 151 میں اضافہ، 141 میں کمی اور 24 کے بھاؤ میں کوئی تبدیلی نہیں ہوئی۔
