گوگل نیوز پر ہمیں فالو کریںکراچی: پاکستان اسٹاک ایکسچینج آج کاروباری روز کے دوران تیزی کا رجحان دیکھا گیا، اسٹاک مارکیٹ میں آج 173.75 پوائنٹس کا اضافہ ہوا، جو کہ 0.42 فیصد کی مثبت تبدیلی سے گزشتہ روز کے 41,540.55 پوائنٹس کے مقابلے میں 41,714.30 پر بند ہوا۔
گزشتہ روز کے 133,556,497 حصص کے مقابلے میں آج کاروباری روز کے دوران مجموعی طور پر 144,845,613 حصص کا کاروبار ہوا جبکہ گزشتہ کاروباری روز 3.236 ارب روپے کے مقابلے میں 3.756 ارب روپے کے حصص کا کاروبار ہوا۔
اسٹاک مارکیٹ میں 321 کمپنیوں کی جانب سے حصص کا لین دین کیا گیا۔ ان میں سے 122 کمپنیوں کے حصص کی قیمتوں میں اضافہ اور 170 میں مسلسل کمی جبکہ 29 کمپنیوں کے حصص کی قیمتوں میں کوئی تبدیلی نہیں ہوئی۔
تین ٹاپ ٹریڈنگ کمپنیاں جن میں پی ٹی سی ایل کے 15,371,000 شیئرز کے ساتھ 6.60 روپے فی حصص، دیوان موٹرز 9,589,000 حصص کے ساتھ 17.70 روپے فی حصص اور ورلڈ کال ٹیلی کام 8,634,825 حصص کے ساتھ 1.34 روپے فی حصص تھے۔
پاک سروسز نے سب سے زیادہ 84.53 روپے فی حصص کی قیمت میں اضافہ دیکھا، جو 1211.93 روپے پر بند ہوا، جبکہ دوسرے نمبر پر انڈس سیفائر فائبر رہا جس کی فی حصص قیمت 78.75 روپے اضافے کے ساتھ 1128.75 روپے ہوگئی۔
مزید پڑھیں:ملک میں ادویات کے بحران خطرہ کا مزید بڑھ گیا
باٹا (پاک) میں 49.92 روپے فی حصص کی زیادہ سے زیادہ کمی دیکھی گئی جو 1650.08 روپے پر بند ہوئی اور اس کے بعد پریمیئر شوگر نے 19.17 روپے کی کمی کے ساتھ 560.00 روپے پر بند کیا۔
