گوگل نیوز پر ہمیں فالو کریںکراچی: پاکستان اسٹاک مارکیٹ میں کاورباری ہفتے کے دوسرے روز ملا جلا رجحان دیکھنے کو ملا۔
دوران ٹریڈنگ مارکیٹ میں 150 پوائنٹس کمی ہوئی، کاروبار کے اختتام پر سرمایہ کاروں نے شیئرز کی خریداری شروع کی تو مارکیٹ 262 پوائنٹس کے اضافے سے100 انڈیکس 46 ہزار 407 پوائنٹس کی سطح پر بند ہوا۔
دوسری جانب شہباز شریف کے وزارت عظمیٰ کا حلف اٹھانے کے بعد ملک میں جاری غیر یقینی صورتحال مستحکم ہوگئی ہے اور اسی تناظر میں امریکی کرنسی روپے کے مقابلے میں مزید نیچے آگئی۔
اسٹیٹ بینک آف پاکستان کے اعداد و شمار کے مطابق رواں ہفتے کے دوسرے کاروباری روز کے دوران انٹر بینک میں روپے کے مقابلے میں امریکی ڈالر کی قیمت میں 91 پیسے کی کمی ریکارڈ کی گئی۔
انٹربینک میں روپے کے مقابلے میں امریکی ڈالر کی نئی قیمت 182 روپے 93 پیسے سے کم ہو کر 182 روپے 2 پیسے ہوگئی ہے۔تین کاروباری دنوں کے دوران ڈالرکی قیمت 6 روپے 16 پیسے کم ہوئی۔
مزید پڑھیں: اوگرا کا آئل انڈسٹری کیلئے قرضے کی حد بڑھانے پر اسٹیٹ بینک سے تبادلہ خیال
