اسٹاک مارکیٹ میں 5 پوائنٹس کی معمولی مندی

کراچی: پاکستان اسٹاک مارکیٹ میں جمعے کے روز سرمایہ کاروں نے ملے جلے رجحان کا مظاہرہ کرتے ہوئے کاروبار کیا، کے ایس ای 100 انڈیکس پر منفی رجحان غالب آگیا، کاروبار کے اختتام پر انڈیکس میں 5 پوائنٹس کی معمولی مندی ریکارڈ کی گئی ہے۔

تفصیلات کے مطابق آج کاروباری ہفتے کے آخری روز سرمایہ کار کاروباری اوقات کے دوران زیادہ مثبت روئیے کا مظاہرہ نہ کرسکے۔ 5 اعشاریہ 13 پوائنٹس کی کمی کے ساتھ کے ایس ای 100 انڈیکس 45 ہزار 77 اعشاریہ 91 پوائنٹس پر بند ہوا۔

یہ بھی پڑھیں:

اسٹاک مارکیٹ میں 127پوائنٹس کا اضافہ

پاکستان اسٹاک مارکیٹ میں کاروباار کے دوران حسبِ معمول مثبت اور منفی دونوں پہلو سامنے آئے۔ کے ایس ای 100 انڈیکس زیادہ سے زیادہ 45 ہزار 312 جبکہ کم از کم 45 ہزار 42 پوائنٹس کی سطح پر آیا۔ کاروبار کے اختتام پر انڈیکس 45077.91پوائنٹس رہا۔

کاروباری ہفتے کے گزشتہ روز جمعرات کو کے ایس ای 100 انڈیکس 45 ہزار 83 پوائنٹس کی سطح پر بند ہوا تھا۔آج 343 کمپنیوں کے شیئرز کا لین دین ہوا، 207 کے حصص کی قیمت میں اضافہ جبکہ 116 میں کمی نوٹ کی گئی۔20 کمپنیاں مستحکم رہیں۔

خیال رہے کہ گزشتہ روز کے دوران پاکستان اسٹاک مارکیٹ میں اُتار چڑھاؤ کے بعد 127.99 پوائنٹس کی تیزی ریکارڈ کی گئی، 100 انڈیکس 45083.04 پوائنٹس کی سطح پر پہنچ کر بند ہوا۔0.28 فیصد کی بہتری دیکھی گئی۔ 

اسٹاک مارکیٹ میں گزشتہ روز جمعرات کو  8 کروڑ 98 لاکھ 31 ہزار 188 شیئرز کا لین دین ہوا جس کے باعث سرمایہ کاروں کو اربوں روپے کا فائدہ ہوا۔امریکی ڈالر کی قیمت میں استحکام آ گیا، جبکہ پاکستان سٹاک مارکیٹ میں تیزی کی واپسی ہوئی۔