گوگل نیوز پر ہمیں فالو کریںابوظہبی: پاکستان سپر لیگ (پی ایس ایل) سیزن 6 کے پہلے کوالیفائر میں ملتان سلطانز نے اسلام آباد یونائیٹڈ کو 31 رنز سے شکست دے کر پہلی مرتبہ ایونٹ کے فائنل میں جگہ بنا لی ہے۔
ابوظہبی میں کھیلے گئے پی ایس ایل سیزن 6 کے پہلے کوالیفائر میچ میں ملتان سلطانز نے ٹاس جیت کر پہلے بیٹنگ کا فیصلہ کیا تھا جو ان کے لیے خوش آئند ثابت ہوا۔
ملتان سلطانز کی جانب سے کپتان محمد رضوان اور شان مسعود نے کھیل کا آغاز کیا تاہم محدود اوورز کے کھیل کے دوسرے اوور میں عاکف جاوید کی گیند پر کپتان محمد رضوان آؤٹ ہو کر پویلین لوٹ گئے۔
Akif with the KILLER blow! @IsbUnited review and get rid of the dangerous @MultanSultans skipper on ???? #HBLPSL6 | #MatchDikhao | #IUvMS pic.twitter.com/QINapAZgCn
— PakistanSuperLeague (@thePSLt20) June 21, 2021
شان مسعود کا ساتھ دینے صہیب مقصود آئے جنہوں نے آتے ہیں جارحانہ انداز اپنایا اور اوپننگ بلے باز کے ساتھ مل کر ٹیم کی نصف سنچری مکمل کرائی۔
53 کے مجموعی اسکور پر ملتان سلطانز کی دوسری وکٹ گر گئی جب شان مسعود 25 رنز بناکر آؤٹ ہو گئے ان کے جانے کے ایک گیند بعد آؤٹ آف فارم رائلی روسو بھی داغ جدائی دے گئے دونوں کھلاڑیوں کو شاداب خان نے آؤٹ کیا۔
BADLA!@76Shadabkhan responds to back to back boundaries with a wicket!#HBLPSL6 | #MatchDikhao | #IUvMS pic.twitter.com/w6dBBDo2qB
— PakistanSuperLeague (@thePSLt20) June 21, 2021
صہیب مقصود اور جانسن چارلس نے اس مشکل مرحلے پر 63 رنز کی شراکت قائم کی۔ ویسٹ انڈین بلے باز 41 رنز بنانے کے بعد آؤٹ ہوئے۔ صہیب مقصود نے 3 چھکوں اور 7 چوکوں کی مدد سے 59 رنز کی اننگز کھیلی لیکن فہیم اشرف نے ان کی اننگز کا خاتمہ کردیا۔
صہیب کے آؤٹ ہونے کے بعد سلطانز کی بڑے مجموعے تک رسائی کی امیدیں دم توڑتی نظر آ رہی تھیں لیکن خوشدل شاہ نے ایک ہی اوور میں 4 چھکے لگا کر کھیل کا رخ کافی حد تک ملتان سلطانز کے حق میں کردیا ۔
He’s on a roll! ????@76Shadabkhan picks up two in two!#HBLPSL6 | #MatchDikhao | #IUvMS pic.twitter.com/EkrlYZrjx1
— PakistanSuperLeague (@thePSLt20) June 21, 2021
انہوں نے میچ کے 19ویں اوور میں عاکف جاوید کو لگاتار 4 چھکے لگائے البتہ اننگز کے آخری اوور میں محمد وسیم نے بہترین گیند بازی کا مظاہرہ کرتے ہوئے صرف 6 چھ رنز دیے۔
ملتان سلطانز نے مقررہ اوورز میں 5 وکٹوں کے نقصان پر 180 رنز بنائے، اور اسلام آباد یونائیٹڈ کو جیت لیے 181 رنز کا ہدف دیا۔ خوشدل 42 رنز بنا کر ناقابل شکست رہے۔
???????? #MatchDikhao l #HBLPSL6 I #IUvMS pic.twitter.com/dzFU7I9Alp
— PakistanSuperLeague (@thePSLt20) June 21, 2021
181 رنز کے ہدف کے تعاقب میں پہلے ہی اوور میں سہیل تنویر نے کولن منرو کی اہم وکٹ حاصل کر لی۔
محمد اخلاق نے دو چوکوں کی مدد سے 10 رنز بنائے لیکن عمران خان کی براہ راست تھرو نے ان کی اننگز کا خاتمہ کردیا جبکہ کپتان شاداب خان کھاتا کھولے بغیر ہی پویلین لوٹ گئے۔
اس موقع پر افتخار احمد اور عثمان نے اسکور کو 54 تک پہنچایا لیکن بلیسنگ مزربانی کی ایک اٹھتی ہوئی گیند کو افتخار سمجھ نہ سکے اور 16 رنز بنانے کے بعد وکٹ کیپر کو کیچ دے بیٹھے۔
That was some hitting by @Uz_Khawaja ???????? #MatchDikhao l #HBLPSL6 I #IUvMS pic.twitter.com/XWtADN4SUD
— PakistanSuperLeague (@thePSLt20) June 21, 2021
اگلے اوور میں عمران طاہر کی ایک گیند پر غیرذمےدارانہ شاٹ کھیلتے ہوئے آصف علی اسٹمپ ہو گئے اور آؤٹ ہونے والے پانچویں کھلاڑی بنے۔
عثمان خواجہ نے نئے نئے بلے باز حسین طلعت کے ساتھ مل کر 50 رنز سے زائد کی شراکت قائم کی اور ساتھ ساتھ اپنی نصف سنچری بھی مکمل کر لی۔
بہترین بلے بازی کا مظاہرہ کرنے والے آسٹریلین بلے باز نے 40 گیندوں پر 70 رنز کی اننگز کھیلی لیکن دوسرے اینڈ پر کوئی بھی کھلاڑی نہ ٹک سکا۔ ملتان سلطانز کے باؤلر سہیل تنویر نے اپنے اسپیل کے آخری اوور میں ان کی مزاحمت کا خاتمہ کر کے اپنی ٹیم کو اہم کامیابی دلا دی۔
???? Final Main Sultan Aa Gaya???? @BMuzarabani seals the deal for @MultanSultans! #MatchDikhao l #HBLPSL6 I #IUvMS pic.twitter.com/Olt6leEZUz
— PakistanSuperLeague (@thePSLt20) June 21, 2021
حسن علی نے عمران طاہر کو چھکا لگایا اور دوبارہ اسی کوشش میں باؤنڈری پر کیچ ہو گئے۔
بڑھتے ہوئے رن ریٹ کیے دباؤ کو یونائیٹڈ کے بلے باز جھیل نہ سکے اور یکے بعد دیگرے وکٹیں گنواتے رہے اور پوری ٹیم 149 رنز پر ڈھیر ہوگئی۔
ملتان سلطانز نے میچ میں 31 رنز سے کامیابی حاصل کر کے پہلی مرتبہ پاکستان سپر لیگ کے فائنل میں جگہ بنا لی۔
اس سے قبل میچ کے لیے دونوں ٹیموں میں تبدیلیاں کی گئیں اور فائنل الیون میں اہم کھلاڑیوں کی واپسی ہوئی ہے۔
The final is just a match away for one of these teams. Which one will it be? Here are the starting XIs#HBLPSL6 | #MatchDikhao | #IUvMS pic.twitter.com/kavmVPmu1b
— PakistanSuperLeague (@thePSLt20) June 21, 2021
