گوگل نیوز پر ہمیں فالو کریںکینبرا: آسٹریلین کرکٹ کے سپر اسٹار بہترین بلے باز اسٹیو اسمتھ نے پاکستان سپر لیگ (پی ایس ایل)کھیلنے کی خواہش کا اظہار کردیا۔
پاکستان سپر لیگ کی ہر سیزن کے بعد مقبولیت میں مسلسل اضافہ ہورہا ہے، دنیا کے صف اول کے کھلاڑی اس لیگ کا حصہ بننا چاہتے ہیں۔
پی ایس ایل کی مقبولیت کو دیکھتے ہوئے آسٹریلوی کرکٹر اسٹیو اسمتھ نے پی ایس ایل میں کھیلنے کی خواہش کا اظہار کیا۔
اسٹیو اسمتھ نے اپنی اس خواہش کا اظہار انسٹاگرام پر سوال و جواب کے سیشن میں اس وقت کیا جب ایک صارف کی جانب سے ان سے پاکستانی ٹی ٹونٹی لیگ سے متعلق سوال کیا گیا۔
مزید پڑھیں:پاک نیوزی لینڈ سیریز، آن لائن ٹکٹوں کی فروخت آج سے شروع ہوگی
اسمتھ سے ایک صارف نے سوال کیا کہ آپ پی ایس ایل کب کھیلیں گے؟۔جس کا جواب دیتے ہوئے آسٹریلوی کرکٹر نے کہا کہ مجھے لگتا ہے کہ پاکستان سپر لیگ واقعی ایک شاندار ٹورنامنٹ ہے، میں اس میں شرکت کرنا پسند کروں گا۔
