شرجیل کی شاندار سنچری، کراچی کنگز کا اسلام آباد یونائیٹڈ کو 197 رنز کا ہدف

کراچی: پی ایس ایل 6 کے چھٹے میچ میں کپتان شرجیل خان کی شاندار سنچری کی بدولت کراچی کنگز کے نے اسلام آباد یونائیٹڈ کو جیت کے لیے 197 رنز کا ہدف دے دیا۔

تفصیلات کے مطابق پی ایس ایل کے چھٹے میچ میں کراچی کنگز نے مقررہ اوورز میں 3 وکٹوں کے نقصان پر 196 رنز بنائے اور اسلام آباد یونائیٹڈ کو جیت کے لیے 197 رنز کا ہدف دیا۔

شرجیل خان نے 59 گیندوں پر 105 رنز کی جارحانہ اننگز کھیلی، ان کی اننگز میں 8 چھکے اور 9 چوکے شامل تھے۔

One word for that @SharjeelLeo14 innings?#HBLPSL6 #MatchDikhao pic.twitter.com/OgDFihoHKM

— Pakistan Cricket (@TheRealPCB) February 24, 2021

بابر اعظم نے بھی 62 رنز کی ذمہ دارانہ اننگز کھیلی، بابر نے 6 چوکے اور ایک چھکا لگایا، بابر اعظم کو حسن علی نے رن آؤٹ کیا۔

ڈینئل کرسچن 11 رنز بنا کر ناٹ آؤٹ رہے جبکہ محمد نبی  7  رنز بنا کر آؤٹ ہوئے۔

Look away now @IsbUnited fans. Three wickets reversed over no balls tonight 😳#HBLPSL6 | #MatchDikhao | #KKvIU pic.twitter.com/apOG70k7Vd

— PakistanSuperLeague (@thePSLt20) February 24, 2021

اسلام آباد یونائیٹڈ کے بولرز نے کئی یقینی مواقع ضائع کیے اور نو بالز پر بابر اعظم اور شرجیل خان کو چانس ملا۔

اسلام آباد یونائیٹڈ کے فاسٹ بولر حسن علی ایک وکٹ حاصل کرسکے، شاداب خان سمیت کوئی دوسرا بولر خاطر خواہ کارکردگی نہ دکھا سکا۔

اس سے قبل اسلام آباد یونائیٹڈ کے کپتان شاداب خان نے ٹاس جیت کر کراچی کنگز کو پہلے بیٹنگ کی دعوت دی تھی۔

کراچی کنگزکی ٹیم میں وننگ کمبی نیشن کو برقرار رکھا گیا ہے جبکہ اسلام آباد یونائیٹڈ کی ٹیم میں بھی کوئی تبدیلی نہیں کی گئی ہے۔

کراچی کنگز کے کپتان عماد وسیم کا کہنا تھا کہ پہلا میچ جیتا تھا کھلاڑیوں کا حوصلہ بلند ہے، اسلام آباد کو بڑا ہدف دینے کی کوشش کریں گے، دوسری جانب شاداب خان کا کہنا تھا کہ کراچی کنگز کو کم اسکور پر آؤٹ کرنے کی کوشش کریں گے۔

Here’s our playing XI for tonight’s game!!!

Alex Hales
Phil Salt
Shadab Khan
Hussain Talat
Asif Ali
Iftikhar Ahmed
Lewis Gregory
Faheem Ashraf
Hasan Ali
Zafar Gohar
Mohammad Wasim

Time to ROAR 🦁#KKvIU #RangJeetKaLaalHai https://t.co/0Q7gmdOkvC

— Islamabad United (@IsbUnited) February 24, 2021

واضح رہے کہ کراچی کنگز نے پہلے میچ میں کوئٹہ گلیڈی ایٹرز کو شکست دی تھی جبکہ اسلام آباد یونائیٹڈ نے زلمی کے خلاف کامیابی حاصل کی تھی۔

کراچی کنگز کی ٹیم میں کپتان عماد وسیم، بابراعظم، شرجیل خان، کولن انگرام، جو کلارک، ڈین کرسچن، عامر یامین، وقاص مقصود، محمد عامر اور ارشد اقبال شامل ہیں۔

یہ بھی پڑھیں: عالمی شہرت یافتہ امریکی گالفر ٹائیگر ووڈز کار حادثے میں شدید زخمی