صوبائی وزیر اطلاعات و بلدیات ناصر حسین شاہ کی والدہ انتقال کرگئیں

کراچی: صوبائی وزیر اطلاعات و نشریات ناصر حسین شاہ کی والدہ محترمہ انتقال کرگئیں، اس موقع پر پی ٹی آئی کے مرکزی رہنما و رکن قومی اسمبلی آفتاب صدیقی نے صوبائی وزیر اطلاعات و بلدیات ناصر شاہ کی والدہ کے انتقال پرگہرے دکھ کا اظہار کیا، انہوں نے ناصر حسین شاہ اور ان کے اہل خانہ سے تعزیت بھی کی۔

صوبائی وزیر ناصر حسین شاہ کی والدہ کے انتقال کی خبر ملتے ہی، پیپلز پارٹی کے رہنماؤں کی جانب سے ان کے گھر آمد کا سلسلہ شروع ہوگیا ہے اور ناصر حسین شاہ سے دلی تعزیت کا اظہار کیا جارہا ہے۔

جبکہ دوسری جانب اس موقع پر آفتاب صدیقی نے کہا کہ ناصر شاہ کی والدہ کی مغفرت اور درجات بلندی کے لئے دعا کرتے ہیں، دکھ کی اس گھڑی میں ناصر شاہ کے غم میں برابر کے شریک ہیں۔

پی ٹی آئی کے مرکزی رہنما ورکن قومی اسمبلی آفتاب صدیقی کا مزید کہنا تھا کہ اللہ تعالیٰ ناصر حسین شاہ اور انکے اہل خانہ کو اس صدمے کو برداشت کرنے کی ہمت اور حوصلہ عطا فرمائے۔