گوگل نیوز پر ہمیں فالو کریںکوئٹہ:معصوم بچی برامش بلوچ کے واقعے کے بعد انصاف کا مطالبہ زورپکڑ گیا ہے، سینکڑوں مرد، خواتین اور بچوں کی جانب سے تربت کے علاقے ڈنوک میں ان کی رہائش گاہ پر اسلحہ برداروں کی فائرنگ سے چار سالہ بچی برامش بلوچ کے زخمی ہونے پر اسے انصاف دلانے کے لئے احتجاج کیا گیا۔
مظاہرین نے کوئٹہ پریس کلب کے سامنے بھی احتجاجی مظاہرہ کیا اور صوبائی حکومت کی جانب سے کئے گئے حفاظتی اقدامات پر سوالات اٹھاتے رہے اور مجرموں اور ان کے سہولت کاروں کو سزا دینے کا مطالبہ کرتے رہے۔
واضح رہے کہ یہ واقعہ 26 مئی کو اس وقت پیش آیا تھا جب تین مسلح ڈاکو ڈکیتی کرنے کی نیت سے ڈنوک میں ایک مکان میں گھس آئے تھے۔ کم سن بچی کی والدہ ملک ناز کو مزاحمت کرنے پر گولی ماردی گئی تھی جبکہ چھوٹی بچی برامش بلوچ بری طرح زخمی ہوگئی تھی۔
مذکورہ واقعے کے بعد علاقہ مکین ڈاکوؤں میں سے ایک کو پکڑنے میں کامیاب ہوگئے تھے اور اسے مقامی پولیس کے حوالے کردیاتھا۔ دو دیگر مشتبہ افراد کو بھی حراست میں لیا گیا تھا لیکن ہفتہ گزرنے کے بعد بھی یہ پتہ نہ چل سکا کہ ان کا تعلق کس گروہ سے تھا۔
اس واقعے کے بعد احتجاجی مظاہروں کا ایک نہ رکنے والا سلسلہ شروع ہوگیا ہے، جبکہ پچھلے تین دنوں سے گوادر، تربت اور بلدیہ میں بچی کی حمایت میں مظاہروں کا سلسلہ جاری ہے۔
A huge crowd gathers in support of Bramsh Baloch at Fida Shaheed Chowk Turbat#JusticeForBramsh #JusticeForBramshBaloch pic.twitter.com/6F0UOFyhBS
— Sajjad Gorchani (@sajjad_gorchani) June 2, 2020
