گوگل نیوز پر ہمیں فالو کریںاسلام آباد: وفاقی وزیر اطلاعات و نشریات شبلی فراز نے کہا ہے کہ محدود وسائل کے باوجود معاشرے کے کمزور طبقات کا تحفظ پی ٹی آئی حکومت کی اولین ترجیح ہے۔
اسلام آباد میں میڈیا سے گفتگو کرتے ہوئے وزیر اطلاعات نے کہا کہ موجودہ حکومت کورونا کی وباء سے متاثر ہونیوالے معاشرے کے پسماندہ طبقات کی سہولت کے لئے ٹھوس اقدامات اٹھا رہی ہے۔
پی آئی اے کے طیارہ حادثہ سے متعلق ایک سوال کے جواب میں وفاقی وزیر نے کہا کہ وزیر اعظم عمران خان سندھ حکومت اور سول ایوی ایشن اتھارٹی سے بھی رابطے میں ہیں اور اس سلسلے میں ضروری ہدایات دے رہے ہیں۔
انہوں نے مزید کہا کہ حکومت کی پہلی ترجیح یہ تھی کہ وہ نشاندہی کے بعد متاثرہ افراد کی لاشوں کو ان کے اہل خانہ کے حوالے کریں۔ انہوں نے اس خوفناک واقعے پر غم کا اظہار کیا اور جاں بحق ہونے والوں کے لواحقین سے تعزیت کی۔
شبلی فراز نے کہا کہ طیارے میں سوار مسافروں کے اہل خانہ سے رابطہ کرنے اور مطلوبہ معلومات فراہم کرنے کے لئے ایک انفارمیشن ڈیسک قائم کیا گیا ہے۔
ان کا کہنا ہے کہ انکوائری رپورٹ کے بعد تمام حقائق منظر عام پر آئیں گے۔ انہوں نے بتایا شفاف تحقیقات کی جائیں گی اور متاثرہ افراد کے ورثاء کو صحیح معلومات فراہم کی جائیں گی۔
مزید پڑھیں:حکومت اپنے وسائل سے بڑھ کر اقدامات کر رہی ہے،شبلی فراز
