قومی اداروں کیخلاف ہرزہ سرائی کیس میں ایف آئی اے نے 60 کنگ ٹرولرز کیخلاف تحقیقات شروع کردیں، 25 کیخلاف مقدمات درج جبکہ 19 کو گرفتار کرلیا گیا۔

ذرائع ابلاغ کے مطابق قومی اداروں کیخلاف ہرزہ سرائی کے کیس میں اہم پیشرفت سامنے آئی ہے، ایف آئی اے نے 60 کنگ ٹرولرز کے خلاف تحقیقات شروع کردیں، 25 پچیس ٹرولرز کیخلاف کیس درج کرلیا گیا۔

ذرائع کے مطابق وفاقی تحقیقاتی ادارے نے ٹرولنگ میں ملوث 19 افراد کو گرفتار کرلیا، گوجرانوالہ میں 17 انکوائریز، 9 مقدمات درج ہوئے، زیادہ تر گرفتاریاں گوجرانوالہ سرکل میں کی گئیں۔

یہ بھی پڑھیں:

ذرائع کا کہنا ہے کہ 6 کیسز فیصل آباد سرکل میں درج کئے گئے، 2 ٹرولز کو لاہور سے گرفتار کیا گیا، اسلام آباد میں 8 انکوائریز رجسٹرڈ کی گئیں۔

ذرائع کے مطابق لاہور میں 10 ٹرولرز کے خلاف کیس درج کئے گئے، وزارت داخلہ نے قومی اداروں کیخلاف ہتک آمیز مہم پر ٹرولرز کے خلاف کارروائی کی خصوصی اجازت دی تھی۔