گوگل نیوز پر ہمیں فالو کریںبھارتی کانگریس جنرل سکریٹری پرینکا گاندھی نے بھی اپنے ہم وطنوں کو نئے ساپ کی مبارکباد کا پیغام دیا، لیکن ان کے اس پیغام میں اسرائیل اور حماس کی جنگ میں غزہ کے اندر شہید ہونے والے لوگوں کا ذکر کیا۔
بھارتی میڈیا کے مطابق پرینکا گاندھی اسرائیل اور حماس کے درمیان جاری جنگ سے متعلق آواز اٹھاتی رہی ہیں اور غزہ پر حملوں کے حوالے سے مسلسل جنگ بندی کا مطالبہ کرتی رہی ہیں۔
انہوں نے ایک ویڈیو بھی شیئر کیا ہے جس میں ایک طرف لوگ نئے سال کا جشن منا رہے ہیں اور آتش بازی کی جا رہی ہے تو دوسری طرف غزہ میں کھنڈرات اور دھماکوں کو دکھایا گیا ہے۔
As we celebrate the beginning of a new year and wish each other that love, peace, laughter and goodness should fill our lives, let us remember our brothers and sisters in Gaza who are facing the most unjust and inhuman assault on their right to life, dignity and freedom.
While… pic.twitter.com/Hs7dwu1uIP
— Priyanka Gandhi Vadra (@priyankagandhi) December 31, 2023
پرینکا گاندھی نے لکھا کہ ایک طرف ہمارے بچے جشن منا رہے ہیں اور دوسری طرف غزہ کے بچوں کو بے دردی سے قتل کیا جا رہا ہے، دنیا کے نام نہاد لیڈر خاموشی سے اس مظالم کو دیکھ رہے ہیں۔
صہیونی بمباری میں عالم اسلام کی اہم مذہبی شخصیت شیخ یوسف سلامہ شہید
پرینکا گاندھی نے ایکس پر ویڈیو کے ساتھ لکھا ’آئیے ہم غزہ میں اپنے ان بھائیوں اور بہنوں کو یاد رکھیں جو اپنی زندگی، وقار اور آزادی کے حق پر انتہائی غیر منصفانہ اور غیر انسانی حملے کا سامنا کر رہے ہیں‘۔
