گوگل نیوز پر ہمیں فالو کریںاسلام آباد: وزیراعظم کے فوکل پرسن احمد جواد نے پاکستان تحریک انصاف کے لانگ مارچ سے قبل اپنے عہدے سے استعفیٰ دے دیا۔
سماجی رابطے کی ویب سائٹ ٹوئٹر پر ایک پوسٹ کے ذریعے سے احمد جواد نے استعفیٰ دیتے ہوئے کہا کہ ملک کے ساتھ بڑے دھوکے ہوئے، میں کسی دھوکے کا حصہ دار نہیں بنوں گا۔
جب PTI تانگہ پارٹی تھی تو PTI میں شامل ہوا اور اُس وقت چھوڑا جب وہ حکومت میں تھی اورطاقت ور تھی
مسلم لیگ ن میں شامل ہوا جب وہ اپوزیشن میں اور کمزور تھی اورچھوڑا جب وہ حکومت میں اور طاقت ور تھی
میری سیاست میں سب سے بڑی خدمت یہی ہے کہ میں نے سیاست میں نئے اصول متعارف کروا دئیے pic.twitter.com/CB8ChbIg9v
— Ahmad Jawad (@AhmadJawadBTH) October 28, 2022
5 اگست 2022 کو وزیراعظم شہبازشریف نے پاکستان تحریک انصاف کے سابقہ سیکریٹری اطلاعات احمد جواد کو اپنا فوکل پرسن مقرر کیا۔ اپنی تقرری کے فوراََ بعد احمد جواد نے شکریہ ادا کرنے کیلئے ٹوئٹر پر جھوٹ کیخلاف جنگ لڑنے کا اعلان کیا تھا۔
تاہم، سینئر صحافی ارشد شریف کے جنازے کے فوری بعد انہوں نے اپنے عہدے سے استعفیٰ دینے کے بعد اپنی پروفائل بینر کی تصویر کو مقتول صحافی کی تصویر سے بدل دیا۔
پی ٹی آئی کا لانگ مارچ آج بعد نماز جمعہ لاہور سے شروع ہوگا
احمد جواد نے وزیراعظم کو ارسال کیے گئے اپنے استعفیٰ میں لکھا کہ ملک میں سچ کو کفن پہنانے کیلیے کمیشن بنائے جاتے ہیں، ایک اور سچ کو کفن پہنانے کی تیاری شروع ہو چکی ہے، وزیراعظم صاحب، حکمران کے طور پر روز قیامت آپ کوجواب دینا ہوگا۔
انہوں نے کہا کہ 75 سال کے بعد بھی ہم غلام ہیں اور غلاموں کی عزت نہیں ہوتی، میں قوم سے اپیل کروں گا کہ وہ سچ کے ساتھ کھڑے ہوں، ملک کو حقیقی آزادی چاہیے، فیصلہ کرنا ہوگا کہ سچ کیا ہے اور جھوٹ کیا ہے۔
احمد جواد نے کہا کہ فیصلے کی گھڑی آگئی ہے، عوام اور خاص طور پر نوجوان ضمیر کی آواز سنیں، وزیراعظم شہباز شریف کو اب نئے انتخابات کا اعلان کردینا چاہیے۔
