وزیراعظم نے خاتون صحافی کے اہلخانہ کیلئے 50 لاکھ روپے امدادکا اعلان کردیا

مقبول خبریں

کالمز

موسم

قیمتیں

ٹرانسپورٹ

وزیراعظم نے خاتون صحافی کے اہلخانہ کیلئے 50 لاکھ روپے امدادکا اعلان کردیا
وزیراعظم نے خاتون صحافی کے اہلخانہ کیلئے 50 لاکھ روپے امدادکا اعلان کردیا

اسلام آباد: پاکستان تحریک انصاف کے حقیقی آزادی لانگ مارچ کے دوران جاں بحق ہونے والی نجی چینل کی خاتون رپورٹر صدف کے اہلخانہ کے لیے وزیراعظم شہباز شریف نے 50 لاکھ روپے مالی امداد کا اعلان کیا ہے۔

ذرائع کا کہنا ہے کہ وزیر اعظم شہباز شریف نے متعلقہ حکام کو ضابطے کی کارروائی فوری مکمل کرکے چیک اہلخانہ کے حوالے کرنے کی ہدایت جاری کردی ہیں۔

دوسری جانب ترجمان پنجاب حکومت مسرت جمشید چیمہ کا کہنا ہے کہ وزیراعلیٰ پنجاب چوہدری پرویز الہٰی نے بھی صدف نعیم کے اہلخانہ کے لیے 25 لاکھ کی امداد کا اعلان کیا ہے۔

ترجمان پنجاب حکومت کے مطابق محکمہ ڈی جی پی آر کی طرف سے بھی خاتون صحافی صدف کے اہلخانہ کو 10 لاکھ روپے امداد کی مد میں دیئے جائیں گے، پنجاب حکومت مرحومہ کے بچوں کی کفالت اور تعلیمی اخراجات اٹھائے گی۔

ترجمان کے مطابق سابق وزیر اعظم عمران خان، وزیراعلیٰ پنجاب پرویز الہٰی صحافی صدف کے افسوسناک حادثے میں جاں بحق ہونے پر دکھی ہیں، پنجاب حکومت اور تحریک انصاف دکھ کی اس گھڑی میں صدف نعیم کے خاندان کے ساتھ کھڑے ہیں۔

مزید پڑھیں:لانگ مارچ کے دوران حادثاتی موت کا شکار خاتون صحافی صدف نعیم کون تھیں؟

واضح رہے کہ پاکستان تحریک انصاف کے حقیقی آزادی لانگ مارچ کے دوران چینل 5کی خاتون صحافی صدف نعیم عمران خان کے کنٹینر کی زد میں آکر جاں بحق ہوگئیں تھیں۔

Related Posts