وزیراعظم شہباز شریف ایک روزہ دورے پر کراچی پہنچ گئے

کراچی: وزیراعظم پاکستان میاں شہباز شریف ایک روزہ دورے پر کراچی پہنچ گئے ہیں۔

تفصیلات کے مطابق وزیر اعظم کی خصوصی پرواز نے شارع فیصل پر پاکستان ایئرفورس کے فیصل ایئر بیس پر لینڈ کیا جہاں وزیراعلیٰ سندھ سید مراد علی شاہ سمیت سندھ کے دیگر صوبائی وزراء نے اُن کا استقبال کیا۔

شہباز شریف کے ہمراہ ہ شاہد خاقان عباسی، مریم اورنگزیب اور احسن اقبال بھی کراچی پہنچے ہیں۔

وزیراعظم شہباز شریف مزار قائد پر حاضری کے لیے پہنچے گئے ہیں جہاں اتحادی بھی ان کے ہمراہ موجود ہیں۔

یہ بھی پڑھیں:سندھ کو گیس بندش کا سامنا، سی این جی کل سے 3 روز کیلئے بندکرنیکا فیصلہ

واضح رہے کہ وزیراعظم میاں شہباز شریف کا عہدہ سنبھالنے کے بعد کراچی کا پہلا دورہ ہے بعدازاں وزیراعظم شہباز شریف آج سہ پہر ایم کیو ایم پاکستان کے عارضی مرکز بہادر آباد جائیں گے جہاں وہ اتحادی جماعت سے اہم ملاقات اور وزارتوں پر مشاورت کریں گے۔

اس کے علاوہ سندھ میں امن و امان سے متعلق اجلاس بھی وزیراعلیٰ ہاؤس میں ہوگا۔

اپنے دورہ کراچی کے تیسرے مرحلہ میں وزیر اعظم میاں محمد شہباز شریف حکومتی اتحاد میں اپنی اہم پارٹنر ایم کیو ایم پاکستان کی قیادت سے پارٹی کے مرکزی دفتر بہادرآباد کا دورہ بھی کریں گے۔