متحدہ عرب امارات میں بھی پیٹرولیم مصنوعات کی قیمتوں میں اضافہ

پاکستان کے ساتھ ساتھ متحدہ عرب امارات میں بھی پیٹرولیم مصنوعات کی قیمتوں میں اضافہ کردیا گیا ہے۔

پیٹرولیم مصنوعات کی قیمتوں میں 12 فیصد اضافہ کیا گیا۔ اضافے کے بعد پیٹرول کی فی لیٹر قیمت 4.63 درہم یعنی پاکستانی 257 روپے ہوگئی ہے۔

ڈیزل کی قیمت میں 15 فیصد اضافہ ہونے کے بعد ڈیزل کی فی لیٹر قیمت 4.76 درہم یعنی پاکستانی 265 روپے کردی گئی ہے۔

عرب امارات میں 4 ماہ کے دوران تیل کی قیمتوں میں 100 فیصد سے زائد کا اضافہ ہوچکا ہے۔

واضح رہے کراچی میں بھی پیٹرولیم مصنوعات کی قیمتوں میں اضافہ کیا گیا جس کے بعد پیٹرول کی قیمت 14 روپے 85 پیسے اضافے سے 248 روپے 74 پیسے لیٹر ہوگئی، جبکہ ہائی اسپیڈ ڈیزل کی قیمت 13 روپے 23 پیسے اضافے کے بعد 276 روپے 54 پیسے ہوگئی ہے۔