ملک کی موجودہ صورتحال پر غور کیلئے سینیٹ کا اجلاس 23 مئی کو طلب

اسلام آباد: ملک کی موجودہ سیاسی و معاشی صورتحال پر غور کیلئے سینیٹ کا اجلاس 23 مئی کو طلب کیا گیا ہے۔ اجلاس میں قومی معاملات پر اہم فیصلے کیے جائیں گے۔

تفصیلات کے مطابق صدرِ مملکت ڈاکٹر عارف علوی نے سینیٹ کااجلاس 23 مئی کو پیر کے روز طلب کر لیا۔ سماجی رابطے کی ویب سائٹ ٹوئٹرپر صدرِ مملکت کی جانب سے پیغام جاری کردیا گیا۔

یہ بھی پڑھیں:

سیاسی و معاشی بحران پر مشاورت کیلئے اتحادیوں کا اجلاس آج طلب

صدر مملکت ڈاکٹر عارف علوی نے سینیٹ کا اجلاس طلب کر لیا

سینیٹ کا اجلاس 23 مئی بروز سوموار سہ پہر 4 بجے طلب کیا گیا

اجلاس آئین کے آرٹیکل 54 (1) کے تحت وزیراعظم کی ایڈوائس پر طلب کیا گیا

— The President of Pakistan (@PresOfPakistan) May 17, 2022

ٹوئٹر پیغام میں بتایا گیا ہے کہ صدرِ مملکت نے سینیٹ کا اجلاس 23 مئی کو سہ پہر 4 بجے طلب کیا ہے۔ اجلاس کو آئین کی دفعہ 54(1) کے تحت وزیر اعظم شہباز شریف کی ایڈوائس پر طلب کیا گیا۔ 

خیال رہے کہ اس سے قبل وزیراعظم میاں شہباز شریف نے ملک میں سیاسی اور معاشی بحران پر قابو پانے کیلئے اتحادی جماعتوں کا اہم اجلاس طلب کرلیا۔اجلاس کے دوران ملک کی سیاسی صورتحال زیرِ غور آئے گی۔

 وفاقی کابینہ کا اجلاس دن 11 بجے وزیراعظم ہاؤس میں ہوگا۔ اجلاس میں ملک کی معاشی، سیاسی و داخلی صورت حال اور حکومت کو درپیش چیلنجوں کا جائزہ لیا جائے گا۔ وفاقی کابینہ میں ریٹائرمنٹ کی ڈائریکٹری رپورٹ پیش کی جائے گی۔