گوگل نیوز پر ہمیں فالو کریںجہلم: صدر مملکت عار ف علوی نے کہا ہے کہ نشانہ بازی سپاہیانہ مہارتوں میں بنیادی حیثیت رکھتی ہے، قومی مقاصد کی تکمیل شہدا کو خراجِ عقیدت پیش کرنے کا بہترین طریقہ ہے۔
صدر مملکت ڈاکٹر عارف علوی نے جہلم کے قریب فائرنگ رینج کا دورہ کیا اور 39 ویں میگا شوٹنگ مقابلوں کی اختتامی تقریب میں بطور مہمان خصوصی شرکت کی۔فائرنگ رینج پہنچنے پر آرمی چیف جنرل قمر جاوید باجوہ نے صدر مملکت کا استقبال کیا۔
آئی ایس پی آر کے مطابق مقابلوں میں تینوں مسلح افواج اور دیگر اداروں کے 953 نشانہ بازوں نے شرکت کی۔ نشانہ بازی کے مقابلوں میں مختلف جنگی کارروائیوں میں زخمی ہونےوالے افسروں اور جوانوں نے بھی حصہ لیا۔
یہ بھی پڑھیں: آپ کی نظر تیز ہے، ڈی جی آئی ایس پی آر کی پاک انگلینڈ سیریز میں اپنی تصویر کی تصدیق
