پی ایس ایل کے دوسرے مرحلے کی تیاریاں، لاہور کی سڑکیں بھی سج گئیں

لاہور:پاکستان سپر لیگ سیزن 7 کے دوسرے مرحلے کے لیے لاہور میں تیاریوں کا آغاز ہو گیا ،میچز 10 فروری سے شروع ہوں گے ،فائنل 27 فروری کو کھیلا جائے گا۔

پاکستان سپر لیگ ایڈیشن 7 میں دلچسپ میچز کا سلسلہ نیشنل اسٹیڈیم میں کراچی میں7 فرری تک جاری رہے گا جبکہ دوسرے مرحلے میں میچز کی میزبانی لاہور کا قذافی اسٹیڈیم کرے گا۔

لاہور میں ایونٹ کا دوسرا مرحلہ 10 فروری سے شروع ہوگا، اس کے لیے نشتر پارک اسپورٹس کمپلیکس اور اس کے اطراف میں تیاریاں شروع کردی گئیں، جہاں صفائی ستھرائی اور تزین و آرائش کا کام بھی تیز کر دیا گیا۔

مزید پڑھیں:کوئٹہ گلیڈی ایٹرز کیلئے خوشی کی خبر، شاہد آفریدی کورونا سے صحت یاب

اسٹیڈیم کے اطراف میں اضافی لائٹس، گاڑیوں کی پارکنگ کی نشاندہی اور سڑکوں پر پینٹ کیا جارہا ہے ،ٹریفک لائنز بھی لگا دی گئیں اور فٹ پاتھ بھی رنگ دیے گئے۔لاہور میں 27 فروری کو ہونے والے فائنل سمیت 19 میچز کھیلے جائیں گے۔

واضح رہے کہ پاکستان سپر لیگ سیزن 7میں شرکت کیلئے انگلینڈ کے 6 کرکٹرز آج کراچی پہنچیں گے،انگلینڈ کے کرکٹرز ویسٹ انڈیز کیخلاف سیریز میں شرکت کے بعد پاکستان پہنچ رہے ہیں۔پی ایس ایل کھیلنے کیلئے آنے والے کھلاڑیوں میں جیمز وینس، جیسن روئے، فل سالٹس، ثاقب محمود، ہیری بروکس اور کرس جارڈن شامل ہیں۔