پیپلز پارٹی پی ڈی ایم کے فیصلوں اور قراردادوں پر قائم ہے، شیری رحمن

اسلام آباد: پاکستان پیپلز پارٹی کی نائب صدر شیری رحمن نے کہا ہے کہ پی ڈی ایم میں کوئی اختلافات نہیں،پی ڈی ایم میں دراڑوں کے بیانات دینے والے احمقوں کی جنت میں رہ رہے ہیں۔

پیپلز پارٹی پی ڈی ایم کے فیصلوں اور قراردادوں پر قائم ہے، مذاکرات تب ہی ہونگے جب نااہل وزیر اعظم مستعفی ہونگے۔ میڈیا سے گفتگو کرتے ہوئے انہوں نے کہاکہ پی ڈی ایم میں دراڑوں کی خبریں بے بنیاد ہیں۔

انہوں نے کہاکہ پی ڈی ایم میں کوئی اختلافات نہیں، پی ڈی ایم میں دراڑوں کی خبریں بے بنیاد ہیں۔ انہوں نے کہاکہ پی ڈی ایم میں دراڑوں کے بیانات دینے والے احمقوں کی جنت میں رہ رہے ہیں۔

انہوں نے کہاکہ پی ڈی ایم میں شامل تمام جماعتیں ایک پیج پر ہیں، پیپلز پارٹی پی ڈی ایم کے فیصلوں اور قراردادوں پر قائم ہے۔ انہوں نے کہاکہ آصف علی زرداری کو اتحادی اور مزاحمتی سیاست کرنا اچھے طریقے سے آتی ہے، آصف علی زرداری جیلیں کاٹ چکے ہیں۔

ہم نہ جیلوں سے نہیں ڈرتے، مذاکرات تب ہی ہونگے جب نااہل وزیر اعظم مستعفی ہونگے۔ انہوں نے کہاکہ پیپلز پارٹی پی ڈی ایم کے فیصلوں کے تابع ہے، ہم نااہل سرکار کو ہٹانے سے پیچھے نہیں ہٹیں گے۔