گوگل نیوز پر ہمیں فالو کریںاسلام آباد: وفاقی وزیر برائے سائنس و ٹیکنالوجی فواد چوہدری نے تحریکِ انصاف کے سینئر رہنما و صوبائی وزیر فیاض الحسن چوہان کے بیان پر ردِ عمل دیتے ہوئے کہا ہے کہ سیاست کمزور دل حضرات کا کھیل نہیں ہے۔
سماجی رابطے کی ویب سائٹ ٹوئٹر پر اپنے پیغام میں فیاض الحسن چوہان کی طرف سے استعفے کے مطالبے پر وفاقی وزیر فواد چوہدری نے کہا کہ میں اُس وقت تک وزیر رہوں گا جب تک وزیرِ اعظم عمران خان کا اعتماد حاصل ہے۔
وفاقی وزیر برائے سائنس و ٹیکنالوجی فواد چوہدری نے صوبہ پنجاب کے وزیرِ اطلاعات فیاض الحسن چوہان کو جواب دیتے ہوئے کہا کہ کسی اور کی خواہش پر استعفیٰ دینے کا سوال ہی پیدا نہیں ہوتا۔
اس وقت تک وزیر رہوں گا جب تک وزیر اعظم کا اعتماد حاصل ہے، کسی اور کی خواہش پر استعفیࣿ دینے کا سوال ہی پیدا نہیں ہوتا، سیاست کمزور دل حضرات کا کھیل نہیں ۔۔۔
— Ch Fawad Hussain (@fawadchaudhry) June 24, 2020
یاد رہے کہ اس سے قبل پنجاب کے وزیراطلاعات فیاض الحسن چوہان نے دورانِ انٹرویو پارٹی قیادت کیخلاف ہرزہ سرائی پر فواد چوہدری کو کھری کھری سنادیں۔
وزیراطلاعات پنجاب فیاض الحسن چوہان نے 2 روز قبل کہا کہ کہ فواد چوہدری پر سقراط، بقراط اور ارسطو بننے کا خبط سوار ہے۔فواد چوہدری نظم وضبط کی خلاف ورزیوں پر کسی سیاسی جماعت میں ٹک نہیں سکے۔
مزید پڑھیں: فواد پارٹی سے مطمئن نہیں تو استعفیٰ دیدیں، فیاض چوہان
