گوگل نیوز پر ہمیں فالو کریںمردان: خیبرپختونخوا میں مردان کے قریب جمعرات کو ایک چیک پوسٹ پر دھماکے کے نتیجے میں ایک پولیس کانسٹیبل جاں بحق جب کہ پانچ دیگر زخمی ہو گئے۔
دھماکے کی شدت سے چیک پوسٹ کے گیٹ اور قریبی عمارتوں کی کھڑکیوں کو نقصان پہنچا۔ واقعے کی اطلاع ملتے ہی ریسکیو اہلکار جائے وقوعہ پر پہنچ گئے اور زخمیوں اور جاں بحق افراد کو مردان میڈیکل کمپلیکس منتقل کیا۔
ڈسٹرکٹ پولیس آفیسر (ڈی پی او) عرفان اللہ خان نے مقامی میڈیا کو بتایا کہ دھماکہ صبح تقریباً 10 بج کر 45 منٹ پر ہوا۔
ڈی پی او نے بتایا کہ نامعلوم ”دہشت گردوں ” نے چیک پوسٹ کے گیٹ سے ملحقہ پل کے نیچے ایک آلہ نصب کیا۔ جس کے نتیجے میں ایک کانسٹیبل شہید جب کہ تین پولیس اہلکار اور دو شہری زخمی ہوگئے۔
ایس پی آپریشنز شاہ ممتاز نے کہا کہ یہ ایک ”ریموٹ کنٹرول دھماکہ” تھا، انہوں نے مزید کہا کہ دہشت گرد پولیس کی گاڑی کو نشانہ بنا نا چاہتے تھے۔
ڈی پی او نے بعد ازاں ہسپتال میں زخمیوں کی عیادت کی اور دھماکے کی جگہ کا معائنہ بھی کیا۔ واقعے کے بعد علاقے میں سیکیورٹی بھی بڑھا دی گئی۔
مزید پڑھیں:کوئٹہ آفت زدہ، بلوچستان میں بارش اور سیلابی ریلے، اموات 39ہوگئیں
