دُعا زہرا کی پنجاب میں موجودگی کا انکشاف، پولیس سیالکوٹ پہنچ گئی

لاہور: کراچی سے لاپتہ دُعا زہرا کی پنجاب میں موجودگی کے انکشاف پر دونوں صوبوں کی پولیس سیالکوٹ جا پہنچی جہاں سے دعا زہرا کو بازیاب کرائے جانے کا امکان ہے۔

تفصیلات کے مطابق پولیس نے خفیہ اطلاع کی بنیاد پر کارروائی کرتے ہوئے دعا زہرا اور شوہر ظہیر کی موجودگی پر بازیابی کا فیصلہ کیا۔ لاہور اور کراچی پولیس کی ٹیمیں سیالکوٹ میں موجود ہیں۔

یہ بھی پڑھیں:

دعا زہرا کیس، سندھ ہائیکورٹ کا ملزمان کے شناختی کارڈ بلاک کرنیکا حکم

سندھ ہائیکورٹ میں دعا زہرا کی بازیابی سے متعلق کیس زیرِ سماعت ہے جو 10 جون تک ملتوی کردیا گیا۔ عدالت نے آئی جی سندھ غلام نبی میمن سے بھی دعا زہرا کی بازیابی پر سوالات کیے۔

عدالت کو آگہی دیتے ہوئے آئی جی سندھ غلام نبی میمن نے کراچی سے لاپتہ ہونے والی کمسن لڑکی دعا زہرہ کی بازیابی کیلئے ہر ممکن کوشش کرنے کا یقین دلایا تاہم بازیابی کی حتمی تاریخ نہ بتا سکے۔ 

 سندھ ہائیکورٹ نے دعا زہرا کیس میں نامزد ملزمان کے شناختی کارڈ بلاک کرنے کا حکم جاری کردیا۔ عدالت میں بازیابی کیس کی سماعت کے دوران دعا زہرا کے بیرونِ ملک منتقل ہوجانے کا خدشہ ظاہر کیا گیا تھا۔