ن لیگ نے گھٹیا سیاست کے تمام ریکارڈز توڑ دئیے، شہباز گل

لاہور:وزیر اعظم عمران خان کے معاون خصوصی شہباز گل نے کہا ہے کہ مسلم لیگ ن نے گھٹیا سیاست کے تمام ریکارڈز توڑ دئیے ہیں۔

وزیر اعظم عمران خان کے معاون خصوصی شہباز گل نے مریم نواز کے بیان پر کہا کہ سیاسی مقاصد کیلئے غنڈہ گردی اور گلو گردی نااہل لیگ کے لیے نئی بات نہیں۔

انہوں نے کہا کہ ڈسکہ میں پاکستان تحریک انصاف (پی ٹی آئی) پولنگ ایجنٹ کو بیدردی سے مارنے والے لیگی غنڈے تھے۔انہوں نے کہا کہ ظلم کے بعد مگرمچھ کے آنسو بہانے کے ڈرامے کیلبری کوئین کا وطیرہ ہے۔

سانحہ ماڈل ٹاؤن ہو یا فیصل آباد کے حق نواز کے قاتل، کیلبری کوئین کے کندھے سے کندھا ملائے کھڑے ہیں۔ مسلم لیگ ن 2018 کے انتخابات میں عوام کے سامنے بے نقاب ہوئی۔

شہباز گل نے کہا کہ منافقت اور لاشوں پر سیاست کرنے میں شریفوں کا مقابلہ کوئی نہیں کر سکتا کیونکہ کرپشن، لوٹ مار، جھوٹ اور منافقت مریم صفدر کی سیاست کا محور ہے۔

انہوں نے کہا کہ اشتہاری مجرموں کی جماعت مسلم لیگ ن نے گھٹیا سیاست کے تمام ریکارڈز توڑ دیے ہیں اور مظلوم کو شہید کر کے سینہ کوبی یزیدیت کی تازہ مثال ہے۔

معاون خصوصی نے کہا کہ ووٹ کوعزت دو کا نعرہ عوام نے مجھے کیوں نکالا میں تبدیل کر دیا اور عوام نے عمران خان کو ووٹ دے کر ووٹ کو عزت دی۔انہوں نے کہا کہ اصل مافیا 30 سال سے اپنے اقتدار کی خاطر جھوٹ اور گمراہی پھیلاتا رہا ہے۔