گوگل نیوز پر ہمیں فالو کریںکراچی: محکمہ موسمیات نے آئندہ ہفتے سے کراچی میں ہیٹ ویو کی پیش گوئی کرتے ہوئے پارہ 42 ڈگری سینٹی گریڈ تک بڑھنے کا امکان ظاہر کیا ہے۔
محکمہ موسمیات کے مطابق ہیٹ ویو 5 مئی سے شروع ہوکر8 مئی تک جاری رہ سکتا ہے۔ کراچی میں خشک ہواؤں سے درجہ حرارت بڑھ سکتا ہے اور شہر میں شدید گرمی کی لہر آنے کا امکان ہے۔
محکمہ موسمیات نے متوقع ہیٹ ویو کے حوالے سے شہر ی اداروں کو صحت کی تمام سہولیات کے حوالے سے الرٹ کردیا ہے تاکہ وہ ضروری انتظامات کرسکیں۔
علاوہ ازیں محکمہ موسمیات نے بتایا کہ جمعہ کے روز کراچی میں پارہ 37 ڈگری سینٹی گریڈ تک جاسکتا ہے جبکہ آج سہ پہر ہوا میں 63 فیصد نمی ریکارڈ کی گئی ہے۔
دریں اثنا ء محکمہ موسمیات نے بتایا کہ آئندہ بارہ گھنٹوں کے دوران ملک کے بیشتر علاقوں میں بنیادی طور پر خشک موسم کی توقع ہے۔
خیبرپختونخوا ، اسلام آباد ، بالائی پنجاب ، کشمیر اور گلگت بلتستان میں چند مقامات پر تیز ہواؤں کے ساتھ بارش کا امکان ہے۔
مزید پڑھیں: 12 سے 3 بجے تک کرفیو، سندھ میں کاروبار زندگی منجمد، شہری گھروں میں محصور
