بھارت فالس فلیگ آپریشن کرسکتا ہے، منہ توڑ جواب دیا جائے گا،وزیراعظم

اسلام آباد: وزیراعظم عمران خان کا کہنا ہے کہ دنیا کو ایک بار پھر خبردار کررہا ہوں کہ بھارت فالس فلیگ آپریشن کرسکتا ہے جس کا منہ توڑ جواب دیا جائے گا۔

وزیر اعظم عمران خان کا اپنے ٹوئٹ میں کہنا ہے کہ بھارت کی جانب سے اقوام متحدہ کی گاڑی پرجان بوجھ کرفائرنگ کی گئی۔ بھارت نے قوام متحدہ کے نشان، نیلے جھنڈے کے باوجود گاڑی کونشانہ بنایا۔

انہوں نے کہا کہ اقوام متحدہ کی گاڑی پرفائرنگ عالمی قوانین کی خلاف ورزی ہے۔ پاکستان بھارت کے اس رویے کی شدیدمذمت کرتاہے۔وزیر اعظم نے باور کرایا کہ پاک فوج پوری طرح تیار ہے۔

In complete violation of int law, India's delib firing at LoC on UNMOGIP vehicle, despite clear UN markings & flying blue UN flag, shows India's total disregard for all int norms of acceptable state behaviour & respect for int law & UN. Pak strongly condemns this rogue behaviour.

— Imran Khan (@ImranKhanPTI) December 20, 2020

انہوں نے کہ 2020 میں بھارت ایل اوسی پر جنگ بندی کی 3 ہزاربارخلاف ورزی کرچکاہے۔ بھارتی خلاف ورزیوں کے نتیجے میں 276 شہری اپنی جان گنوا چکے ہیں، ان شہدا میں 92 خواتین اور68 بچے بھی شامل ہیں۔

وزیر اعظم کا مزید کہنا تھا کہ بھارت معاشی بدحالی،کسانوں کے احتجاج اور کورونا وائرس کی وباسے نمٹنے میں ناکامی جیسے مسائل کاشکارہے اور اندرونی مسائل سے توجہ ہٹانے کے لیے پاکستان کے خلاف فالس فلیگ آپریشن کرسکتاہے۔لیکن ہمیشہ کی طرح بھارت کو اس بار بھی منہ کی کھانے پڑے گی۔

یاد رہے کہ جمعے کو بھارتی فوج نے ایل او سی پر چڑی کوٹ سیکٹر میں بلااشتعال فائرنگ کی اور جان بوجھ کر اقوام متحدہ کی گاڑی کو نشانہ بنایا جس میں اقوام متحدہ کے دو فوجی مبصرین موجود تھے جو سیز فائر خلاف ورزیوں سے متاثرہ افراد سے ملنے پولاس گاؤں جارہے تھے۔ بھارت کی جانب سے فائرنگ میں اقوام متحدہ کی گاڑی نشانہ بنی تاہم مبصرین بال بال بچ گئے۔

دفتر خارجہ کی جانب سے گزشتہ روز بھارتی ناظم الامور کو طلب کرکے واقعے پر شدید مذمت سے آگاہ کیا علاوہ ازیں پاکستان نے واقعے سے متعلق اقوام متحدہ کو باضابطہ طور پر خط بھی لکھ دیا ہے۔