ترقیاتی منصوبوں پر بریفنگ، وزیر اعظم مری کا دورہ آج کریں گے

اسلام آباد: وزیر اعظم شہباز شریف ترقیاتی منصوبوں پر بریفنگ کیلئے مری کا دورہ آج کریں گے۔ حکام بریفنگ کے دوران وزیر اعظم کو ترقیاتی منصوبوں کی تفصیلات سے آگاہ کریں گے۔

ملکہ کوہسار مری میں وزیر اعظم شہباز شریف کو چیئرمین نیشنل ہائی وے اتھارٹی ترقیاتی منصوبوں سے متعلق آگہی دیں گے۔ بریفنگ کے دوران ہائی ویز اور موٹر ویز کی تعمیر پر گفتگو ہوگی۔

یہ بھی پڑھیں:

وزیراعظم دیارِ غیر سے پیسے بھجوانے پرسمندرپار پاکستانیوں کے شکر گزار

سماجی رابطے کی ویب سائٹ ٹوئٹر پر اپنے پیغام میں ن لیگی حکومت کا کہنا ہے کہ وزیر اعظم شہباز شریف کو چیئرمین این ایچ اے علاقے میں روڈ پراجیکٹس پر تفصیلی بریفنگ دیں گے۔ 

Prime Minister Shehbaz Sharif will be visiting Murree today where he will be given detailed briefing by Chairman National Highway Authority on different road projects in the area.

— PMLN Government (@PMLNGovernment) June 23, 2022

ن لیگی حکومت کے ٹوئٹر پیغام کے مطابق وزیر اعظم شہباز شریف نے کہا ہے کہ حکومت وسیع سرمایہ کاری کے ذریعے صنعتکاری کیلئے پاکستان کو ایشیاء کا حب بنانا چاہتی ہے۔ 

Prime Minister Muhammad Shehbaz Sharif has said that the government wants to transform Pakistan into an Asian hub for industrialization through extensive investment.

— PMLN Government (@PMLNGovernment) June 23, 2022

خیال رہے کہ اس سے قبل وزیراعظم شہباز شریف نے بیرون ملک مقیم پاکستانیوں کی جانب سے ایک دن میں ریکارڈ 57 ملین ڈالر پاکستان بھجوانے پر خراج تحسین اور اظہار تشکر کیا۔

وزیراعظم شہباز شریف نے بیرون ملک مقیم پاکستانیوں کی جانب سے بھجوائی گئی رقوم پر شکریہ اداکرتے ہوئے گزشتہ روز کہا کہ ایک دن میں ریکارڈ رقوم بھجوانے پر بیرونِ ملک پاکستانیوں کا شکرگزار ہوں۔