گوگل نیوز پر ہمیں فالو کریںاسلام آباد: وزیر اعظم عمران خان کو بتایاگیا ہے کہ آئندہ چار سالوں کے لئے تیس ارب پر محیط ہنرمند جوان پروگرام کا باقاعدہ اجراءکل جمعرات کو کیا جائیگا، ہنرمند جوان پروگرام کے پہلے مرحلے میں ایک لاکھ ستر ہزار نوجوانوں کو ہنر سے آراستہ کرنے پر توجہ دی جائے گی۔
وزیر اعظم عمران خان کی زیر صدارت ’ہنرمند جوان ‘‘پروگرام پر بریفنگ کا اہتمار کیاگیا جس میں وزیر تعلیم شفقت محمود، معاون خصوصی برائے نوجوانان عثمان ڈار اور سینئر افسران شریک ہوئے۔
معاون خصوصی برائے نوجوانان عثمان ڈار نے موجودہ حکومت کی جانب سے نوجوانوں کے لئے شروع کیے جانے والے مختلف پروگراموں کے حوالے سے بریفنگ دی۔
ان پروگراموں میں نوجوانوں کے لئے آسان قرضوں کی فراہمی، نوجوانوں کو ہنر مند بنانے کے لئے پیشہ وارانہ پروگرام، اسٹارٹ اپ اور انٹرن شپ جیسے پروگرام شامل ہیں۔
معاون خصوصی عثمان ڈار نے بتایا کہ آئندہ چار سالوں کے لئے تیس ارب پر محیط ہنرمند جوان پروگرام کا باقاعدہ اجراء(آج) جمعرات کو کیا جائیگا۔ وزیرِ تعلیم شفقت محمود نے وزیرِ اعظم کو وزارت تعلیم، نیشنل ووکیشنل اینڈ ٹریننگ سنٹر اور ہائر ایجوکیشن کمیشن کے تحت ’’ہنر مند جوان ‘‘اور ’’اسٹارٹ اپ‘‘پروگرام کے حوالے سے تفصیلی طور پر بریف کیا۔
وزیر ِ تعلیم نے بتایا کہ ہنر مند جوان پروگرام کا پہلا فیز بیس ماہ پر مشتمل ہوگا اور اس پر تقریبا دس ارب روپے لاگت آئیگی اس پروگرام کا مقصد نوجوانوں کو جدید ہنر سے آراستہ کرنا، انکی صلاحیتیوں اور استعداد میں اضافہ کرناہے۔
یہ بھی پڑھیں: وزیراعلیٰ عثمان بزدار کا ماحولیاتی تبدیلیوں کے لئے صوبائی پالیسی تشکیل دینے کا فیصلہ
