وزیراعظم عمران خان کلین اینڈ گرین پاکستان انڈیکس کاافتتاح 25نومبر کوکریں گے

اسلام آباد: مشیر وزیراعظم برائے موسمیاتی تبدیلی ملک امین اسلم نے کہا ہے کہ حکومت کے اہم صاف و سرسبز پروگرام کے تحت کلین گرین پاکستان انڈیکس ملک بھر میں شروع کیا جارہا ہے، جس کی افتتاحی رونمائی وزیر اعظم عمران خان25نومبر کوکریں گے۔

سماجی رابطے کی ویب سائٹ ٹوئٹر پراپنے پیغام میں مشیر ملک امین نے کہا کہ25نومبر کو ملک بھر کے 19شہروں میں کلین اینڈ گرین پاکستان کاآغاز کیاجائے گا۔

ملک امین کاکہناتھا کہ وزیراعظم عمران خان پنجاب اور خیبرپختونخوا کے 19شہروں میں کلین اینڈ گرین پاکستان انڈیکس مہم کاافتتاح کریں گے جس کے تحت پاکستان میں آلودگی، پینے کے صاف پانی، صفائی ستھرائی، اور جنگلات کی بے دریغ کٹائی کی بگڑتی ہوئی صورت حال پر قابوپایاجاسکےگا۔

انہوں نے کہا کہ ہم عوام کوکلین اینڈ گرین پاکستان انڈیکس کے تحت ایک پلیٹ فارم فراہم کریں گے کہ وہ اس صفائی مہم کاحصہ بنیں ، اس انڈیکس کے ذریعےایسے شہریوں کےنشاندہی بھی ہوسکے گی جواس ماحول کوبچانے میں کردار اداکرناچاہتے ہیں۔

اس سے قبل کلین اینڈ گرین پاکستان انڈیکس کاافتتاح 30اکتوبرکوجاناتھا تاہم وزیراعظم عمران خان کی مصروفیات کے باعث پروگرام ملتوی کردیا گیاتھا۔