گوگل نیوز پر ہمیں فالو کریںاسلام آباد: وزیر اعظم شہباز شریف نے آئندہ مالی سال کے بجٹ کو نوجوانوں کی ترقی، کاروبار اور روزگار کا تاریخی بجٹ قرار دیتے ہوئے کہا ہے کہ نئے مالی سال میں عوام کی آمدن بڑھے گی۔
تفصیلات کے مطابق وزیر اعظم شہباز شریف نے اپنے ایک بیان میں کہا کہ آئندہ مالی سال میں عوام کی آمدن بڑھے گی، نیا بجٹ نوجوانوں کی ترقی، کاروبار اور روزگار کا بجٹ ہے۔ حکومت مایوسیوں کو مٹائے گی۔
عالمی مارکیٹ میں تیل کی قیمت میں غیر معمولی کمی
بیان میں وزیر اعظم شہباز شریف نے کہا کہ حکومت ملک و قوم کی تعمیر و ترقی اور خوشحالی سے نیا اعتماد اور امید بحال کرنے کی خواہاں ہے۔ آئندہ مالی سال صنعت، زراعت، آئی ٹی اور توانائی کے شعبوں میں تیزی سے ترقی کا سال ہے۔
وزیر اعظم شہباز شریف نے کہا کہ آئندہ مالی سال کے بجٹ میں نوجوان روزگار مانگنے کی بجائے دینے والا کاروباری بننے کے مواقع حاصل کریں گے۔ نوجوان نسل ہمارا مستقبل ہے اور ہمیشہ کی طرح ان کا مستقبل سنوارنا ہماری اوّلین ترجیح ہے۔
انہوں نے کہا کہ نوجوان نسل کو پاکستنا کی ترقی کیلئے معمار بنانا ہے۔ انہیں 1 لاکھ لیپ ٹاپ، چھوٹے اور رعایتی قرضے فراہم کر رہے ہیں۔ نوجوانوں کی حوصلہ افزائی کیلئے آئی ٹی کاروبار میں ٹیکس کی چھوٹ دے دی گئی ہے۔
