گوگل نیوز پر ہمیں فالو کریںوزیر اعظم شہباز شریف نے کہا ہے کہ وزیرِ اطلاعات مریم اورنگزیب نے اپنے طرزِ عمل سے ہراساں کرنے والوں کا مکروہ چہرہ بے نقاب کردیا ہے۔
سماجی رابطے کی ویب سائٹ ٹوئٹر پر اپنے پیغام میں وزیر اعظم نے کہا کہ جس طریقے سے مریم اورنگزیب نے پی ٹی آئی سپورٹرز کی جانب سے ہراسگی کا سامنا کیا، اس سے مریم اورنگزیب کا وقار نمایاں ہوا ہے۔
وزیر اعظم شہباز شریف نے آڈیو لیکس کا نوٹس لے لیا، تحقیقات کا فیصلہ
ٹوئٹر پیغام میں وزیر اعظم نے کہا کہ اپنے متحمل اور قابلِ احترام روئیے سے مریم اورنگزیب نے ہراساں کرنے والوں اور ان کے سپورٹرز کا مکروہ چہرہ بے نقاب کیا۔ ہمیں مریم اورنگزیب پر فخر ہے۔
The manner in which Marriyum Aurangzeb dealt with the harassment from the PTI supporters shows her grace. By her calm & honorable conduct, she exposed the ugly face of the harassers & their promoters.
We are proud of her.
— Shehbaz Sharif (@CMShehbaz) September 25, 2022
دوسری جانب مسلم لیگ (ن) کی نائب صدر اور سابق وزیر اعظم نواز شریف کی صاحبزادی مریم نواز نے بھی وزیرِ اطلاعات کی تعریف کی۔ مریم نواز کا کہنا تھا کہ مجھے مریم اورنگزیب پر بہت فخر ہے۔
I am very proud of you @Marriyum_A ♥️
— Maryam Nawaz Sharif (@MaryamNSharif) September 25, 2022
یاد رہے کہ اس سے قبل وزیرِ اطلاعات مریم اورنگزیب کا پی ٹی آئی کے مبینہ سپورٹرز نے لندن میں گھیراؤ کر لیا، چوری کے الزامات لگائے اور نامناسب زبان کا استعمال بھی کیا۔
میڈیا رپورٹس کے مطابق مریم اورنگزیب ماربل آرچ پر ایک کافی شاپ میں کافی کیلئے رک گئی تھیں، پی ٹی آئی کے مبینہ کارکنان اسی دوران آئے اور وزیرِ اطلاعات کو برا بھلا کہنا شروع کردیا۔
