گوگل نیوز پر ہمیں فالو کریںوزیر اعظم میاں محمد شہباز شریف نے سویڈن میں قرآنِ مجید کی بے حرمتی کے فعل کی سخت الفاظ میں مذمت کرتے ہوئے توہین کے عمل کو ڈیڑھ ارب مسلمانوں کے جذبات کو ٹھیس پہنچانے کی کوشش قرار دیا ہے۔
سماجی رابطے کی ویب سائٹ ٹوئٹر پر اپنے پیغام میں وزیر اعظم شہباز شریف نے کہا کہ سویڈن میں دائیں بازو کے ایک انتہا پسند کی طرف سے قرآنِ پاک کی بے حرمتی کے گھناؤنے فعل کی مذمت کیلئے الفاظ کافی نہیں ہیں۔
دفترِ خارجہ کی سویڈن میں قرآنِ پاک کی توہین کے گھناؤنے عمل کی مذمت
ٹوئٹر پیغام میں وزیر اعظم شہباز شریف نے بے حرمتی کے عمل کی سختی سے مذمت کرتے ہوئے کہا کہ آزادئ اظہار کا لبادہ پہن کر دنیا بھر کے ڈیڑھ ارب مسلمانوں کے مذہبی جذبات کومجروح نہیں کیا جاسکتا۔ یہ ناقابلِ قبول عمل ہے۔
No words are enough to adequately condemn the abhorrable act of desecration of the Holy Quran by a right-wing extremist in Sweden. The garb of the freedom of expression cannot be used to hurt the religious emotions of 1.5 billion Muslims across the world. This is unacceptable.
— Shehbaz Sharif (@CMShehbaz) January 22, 2023
خیال رہے کہ اس سے قبل دفترِ خارجہ نے سویڈن میں قرآنِ پاک کی توہین کے گھناؤنے عمل کی شدید مذمت کی جس سے کروڑوں مسلمانوں کے مذہبی جذبات مجروح ہوئے۔ بیان گزشتہ روز جاری کیا گیا۔
ترجمان دفترِ خارجہ نے سویڈن میں اللہ تعالیٰ کی آخری الہامی کتاب قرآنِ مجید کی توہین کے خلاف بیان جاری کرتے ہوئے کہا کہ بے حرمتی کے عمل سے ڈیڑھ ارب مسلمانوں کے مذہبی جذبات کو ٹھیس پہنچی۔ یہ اظہارِ رائے کی آزادی میں شامل نہیں ہے۔
