عمران خان خود کو مقدس اور قانون سے بالاتر سمجھتے ہیں۔وزیراعظم

اسلام آباد: وزیر اعظم شہباز شریف نے کہا ہے کہ چیئرمین پی ٹی آئی عمران خان خود کو مقدس اور قانون سے بالاتر سمجھتے ہیں اور حقائق مسخ کرکے عوام کو الجھانے کی خواہش رکھتے ہیں۔

سماجی رابطے کی ویب سائٹ ٹوئٹر پر گزشتہ روز اپنے پیغام میں وزیر اعظم شہباز شریف نے کہا کہ خود کو سب سے برتر سمجھنے کا انجام یہی ہوتا ہے۔ عمران خان عوام سے ناقص طرزِ عمل کے باوجود خود کو مقدس اور نکتہ چینی سے بالاتر سمجھتے ہیں۔

یہ بھی پڑھیں:

نیوٹرلز نے کیسے انہیں ملک پر مسلط ہونے دیا، عمران خان

This is what self-righteousness does to you: you consider yourself holy & above reproach despite flawed conduct in office. You confuse people by distorting facts. You play mind games & insult their intelligence through deceitful ways. Niazi's speech today was nothing but this.

— Shehbaz Sharif (@CMShehbaz) August 18, 2022

ٹوئٹر پیغام میں وزیر اعظم نے کہا کہ عمران خان حقائق کو توڑ مروڑ کر لوگوں کو الجھاتے ہیں۔ عوام کی نفسیات سے کھیلتے ہیں اور دھوکے سے ان کی ذہانت کی توہین کرتے ہیں۔ عمران خان کی تقریر اس کے سوا اور کچھ نہیں تھی۔ 

عمران خان کا بیان

خیال رہے کہ اس سے قبل پاکستان تحریک انصاف (پی ٹی آئی) کے چیئرمین اور سابق وزیر اعظم عمران خان کا کہنا تھا کہ نیوٹرلز سے پوچھتا ہوں، آپ نے کیسے انہیں ملک پر مسلط ہونے دیا۔ اب بھی وقت ہے اپنی پالیسیوں پر نظر ثانی کریں۔

تحریک انصاف کے سربراہ عمران خان نے گزشتہ روز اسلام آباد میں سیمینار سے خطاب کرتے ہوئے کہا کہ جب میں وزیراعظم بنا تو بدقسمتی سے نیب کنٹرول میں نہیں تھا، نیب پر کنٹرول ہوتا تو پندرہ بیس لوگوں سے اربوں روپے نکلوا لیتا،ایجنسیاں مجھے ان کی کرپشن کی اطلاع دیتی تھیں۔