دنیا ترقی پذیر ملکوں کو ماحولیاتی تبدیلی کے رحم و کرم پر نہ چھوڑے، وزیر اعظم

 وزیراعظم شہباز شریف نے کہا ہے کہ ترقی یافتہ دنیا ترقی پذیر ممالک کو ماحولیاتی تبدیلی کے رحم و کرم پر نہ چھوڑے۔

سماجی رابطے کی ویب سائٹ ٹویٹر پر انہوں نے لکھا کہ دنیا بھر میں خارج ہونے والی کاربن میں پاکستان کا حصہ صرف ایک فیصد ہے لیکن پاکستان ہمیں ماحولیاتی مسائل کے آٹھ فیصد حصے کا سامنا کرنا پڑ رہا ہے۔

ان کا کہنا تھا کہ میری بین الااقوامی میڈیا کے نمائندوں سے ملاقات ہوئی ہے جس میں انہیں پاکستان میں سیلاب کی تباہ کاری سے آگاہ کیا گیا ہے۔ یہ تباہی اس بات کی عکاسی کرتی ہے کہ ماحولیاتی تبدیلی سے کیا خطرات لاحق ہیں۔

Met members of international media today to brief them about flood ravages in Pakistan.The devastation is evidence of seriousness of the threat posed by climate change.Despite having less than 1% share in carbon emission, we are ranked 8th in terms of exposure to climate hazards.

— Shehbaz Sharif (@CMShehbaz) August 30, 2022

شہباز شریف نے کہا کہ ترقی یافتہ دنیا پاکستان جیسے ممالک کو موسمیاتی تبدیلی کے رحم و کرم پر نہ چھوڑے۔ آج ہم اس کا سامنا کر رہے ہیں کل کوئی اور کر سکتا ہے۔ ماحولیاتی تبدیلی کے خطرات ایک حقیقت ہیں۔