وزیراعظم نے چیف جسٹس کیخلاف سوشل میڈیا پرمہم کی انکوائری کا حکم دیدیا

اسلام آباد: وزیراعظم عمران خان نے چیف جسٹس کیخلاف سوشل میڈیا پرمہم کی انکوائری کا حکم دیدیا ہے،وزیر اعظم نے ڈی جی ایف آئی اے کو ہدایات دیں ہیں کہ سوشل میڈیا پر اعلیٰ عدلیہ اور چیف جسٹس کے خلاف مہم چلانے والوں کے خلاف کارروائی کی جائے۔

وزیر اعظم نے ڈی جی ایف آئی اے کو ہدایات دیں کہ ذمہ داران کا تعین کر کے قانون کے مطابق کارروائی کی جائے اور اس معاملے کے ذمہ داروں کی تلاش کے لئے افسران کی ڈیوٹی لگائیں۔

وزیراعظم نے ڈی جی ایف آئی اے کو غیر اخلاقی مہم کی انکوائری کرنے کی ہدایات دیں اور کہا کہ ذمہ دارافراد کا تعین کر کے قانون کے مطابق کارروائی کی جائے،اس ضمن میں وزیرِ اعظم آفس سے باقاعدہ ایک مراسلہ بھی جاری کردیا گیا ہے۔

واضح رہے کہ پاکستان میں کورونا کے متعلق چیف جسٹس کے ازخود نوٹس کے بعد سوشل میڈیا کے بعض حلقوں میں یہ منفی مہم دیکھی جارہی تھی۔جس پر وزیر اعظم نے نوٹس لیا ہے۔