گوگل نیوز پر ہمیں فالو کریںاسلام آباد: وزیر اعظم کی معاونِ خصوصی برائے اطلاعات و نشریات ڈاکٹر فردوس عاشق اعوان نے کہا ہے کہ وزیر اعظم نے واضح کردیا ہے کہ پاکستان کسی نئی جنگ کا حصہ نہیں بنے گا۔
سماجی رابطے کی ویب سائٹ ٹوئٹر پر اپنے پیغام میں معاونِ خصوصی برائے اطلاعات فردوس عاشق اعوان نے کہا کہ پاکستان خطے میں امن و استحکام کا داعی ہے۔ مشرقِ وسطیٰ میں امن سے خطے اور دنیا میں امن و استحکام آئے گا۔
ٹوئٹر پیغام میں معاونِ خصوصی اطلاعات فردوس عاشق اعوان نے کہا کہ دنیا میں امن و استحکام کی راہ ہموار کرنا ضروری ہے۔ پاکستان اسلامی دنیا اور عالمی امن کے مفاد میں اپنا مثبت کردار ادا کرتا رہے گا۔
پاکستان خطے میں امن واستحکام کا داعی ہے.وزیراعظم نےواضح کردیاہے کہ پاکستان کسی نئی جنگ کا حصہ نہیں بنے گا۔جنگ خطے اوردنیا کے مفاد میں نہیں۔مشرق وسطیٰ میں امن سے خطے اوردنیا میں امن واستحکام کی راہ ہموارہوگی۔پاکستان اسلامی دنیااورعالمی امن کے مفادمیں اپنا مثبت کردارادا کرتا رہےگا
— Dr. Firdous Ashiq Awan (@Dr_FirdousAwan) January 9, 2020
معاونِ خصوصی اطلاعات فردوس عاشق اعوان نے کہا کہ وزیر اعظم عمران خان کی وزیر خارجہ شاہ محمود قریشی کو ایران، سعودی عرب اور امریکا دورہ کرنے کی ہدایت ہماری متحرک سفارت کاری کا مظہر ہے۔
ڈاکٹر فردوس عاشق اعوان نے کہا کہ وزیر اعظم عمران خان نے وزیر خارجہ کو متعلقہ وزرائے خارجہ سے ملاقات کی ہدایت کی، یہ خطے میں قیامِ امن اور اقوامِ متحدہ میں ذمہ دار جمہوری ریاست ہونے کا ثبوت ہے۔
وزیراعظم عمران خان کا وزیر خارجہ شاہ محمود قریشی کو ایران، سعودی عرب اور امریکہ کا دورہ کرنے اور متعلقہ وزرائے خارجہ سے ملاقات کی ہدایت خطے میں قیام امن اور کشیدگی کے خاتمے کیلئے ہماری متحرک سفارتکاری اور اقوام عالم میں ذمہ دار جمہوری ریاست ہونے کا ثبوت ہے۔
— Dr. Firdous Ashiq Awan (@Dr_FirdousAwan) January 9, 2020
یاد رہے کہ اس سے قبل فردوس عاشق اعوان نے کہا کہ سینیٹ نے قومی آہنگی پر مہر لگادی ہے، آرمی ترامیمی ایکٹ کسی ایک شخصیت یا ادارے کے لیے نہیں ہے بلکہ یہ آئندہ آنے والی نسلوں کے لیے ہے۔
فردوس عاشق اعوان نے سینیٹ میں قائد ایوان سینیٹر شبلی فراز اور سینیٹر فیصل جاوید کے ہمراہ گزشتہ روز پریس کانفرنس کرتے ہوئےآرمی ترامیمی ایکٹ 2020 کثرت رائے سے منظور کیے جانے پر مبارکباد پیش کی۔
مزید پڑھیں: آرمی ترامیمی ایکٹ کسی ایک شخصیت کے لیے نہیں، فردوس عاشق اعوان
