گوگل نیوز پر ہمیں فالو کریںاسلام آباد: وزیر اعظم عمران خان 13 نکاتی ایجنڈے پر غور کیلئے وفاقی کابینہ اجلاس کی صدارت آج کریں گے جس میں اہم قومی و سیاسی امور پر تبادلۂ خیال کیا جائے گا۔
تفصیلات کے مطابق وزیر اعظم عمران خان کی زیر صدارت وفاقی کابینہ کا اجلاس آج ہوگا جس میں ملکی سیاسی و معاشی صورتحال کا جائزہ لیا جائے گا۔
ملک کی معاشی صورتحال پر غور کیلئے وفاقی کابینہ کا اجلاس طلب
حکومت غریبوں کیلئے 450 ارب کا خسارہ خود برداشت کررہی ہے۔وزیراعظم
وزیر اعظم عمران خان کی زیر صدارت وفاقی کابینہ اجلاس میں مہنگائی اور اشیائے ضروریہ کی قیمتوں کی صورتحال پر بریفنگ دی جائے گی۔
وفاقی کابینہ اراکین کو وزارتوں میں سی ای اوز اور ایم ڈیز کی خالی نشستوں پر بریفنگ دی جائے گی۔ کابینہ آئی سی ٹی کریمنل پراسیکیوشن سروس ایکٹ 2021 کی منظوری دے گی۔
کابینہ اجلاس میں برآمدی شعبے کیلئے گیس اور آر ایل این جی کے ٹیرف پر نظرِ ثانی اور این ٹی ڈی سی ایل کے ایم ڈی کی تقرری میں عبوری توسیع کی منظوری دی جائے گی۔
اجلاس کے دوران ٹیکس قانون میں تیسری ترمیم آرڈیننس 2021 کی منظوری اور کابینہ کمیٹی برائے ادارہ جاتی اصلاحات کے فیصلوں کی توثیق ہوگی۔
اراکینِ کابینہ اقتصادی رابطہ کمیٹی کے فیصلوں کی توثیق بھی کریں گے۔ وزیر اعظم عمران خان کی زیر صدارت وفاقی کابینہ اجلاس میں قومی نوعیت کے اہم فیصلے ہوں گے۔
