گوگل نیوز پر ہمیں فالو کریںاسلام آباد:وزیرِاعظم عمران خان نے وطنِ عزیز پاکستان کیلئے ریکارڈ توڑ ترسیلاتِ زر کیلئے سمندر پار پاکستانیوں کا شکریہ ادا کیا ہے۔
سماجی رابطے کی ویب سائٹ ٹوئٹر پر وزیرِ اعظم پاکستان عمران خان نے گزشتہ روز اپنے پیغام میں کہا کہ ترسیلاتِ زر کے حوالے سے ایک اور ریکارڈ شکن مہینے (دسمبر 2020ء) پر میں سمندر پار پاکستانیوں کا مشکور ہوں۔
پیغام میں وزیرِ اعظم عمران خان نے کہا کہ دسمبر 2020ء کے دوران ترسیلاتِ زر 2 اعشاریہ 4 ارب رہیں۔ ماشاء اللہ پہلی مرتبہ پاکستان کی ترسیلاتِ زر مسلسل 6 ماہ تک 2 ارب ڈالر سے زیادہ رہیں۔
وزیرِ اعظم عمران خان نے کہا کہ رواں مالی سال کے ان 6 ماہ کی ترسیلاتِ زر کا مجموعی حجم 14 اعشاریہ 2 ارب رہا جو گزشتہ برس سے 24 اعشاریہ 9 فیصد زیادہ ہے۔
ترسیلاتِ زر کےحوالے سےایک اور ریکارڈ شکن مہینے (دسمبر: 2.4 ارب $) پرمیں اپنےسمندر پار پاکستانیوں کامشکور ہوں۔ ماشاءاللہ پہلی مرتبہ پاکستان کی ترسیلات مسلسل 6 ماہ تک 2 ارب $ سےزیادہ رہیں۔ رواں مالی سال کےان 6 ماہ کی ترسیلات کامجموعی حجم 14.2 ارب $ رہاجوگزشتہ برس سے24.9% زیادہ ہے۔
— Imran Khan (@ImranKhanPTI) January 8, 2021
یاد رہے کہ اِس سے قبل اسٹیٹ بینک کا کہنا تھا کہ ملک میں ترسیلات زر مسلسل پانچویں مہینے بھی 2 ارب ڈالرسے زائد رہیں۔اسٹیٹ بینک آف پاکستان نے کہا کہ بیرون ملک مقیم پاکستانیوں نے اکتوبر 2020 میں 2.3 ارب ڈالر کی رقوم پاکستان بھیجی۔
سال 2019 کے مقابلے میں بھیجی گئی رقوم میں گزشتہ برس نومبر کے دوران رواں مالی سال کا 14 فیصد اضافہ ریکارڈ کیا گیا۔مالی سال 2021 میں ترسیلات زر میں ریکارڈ 9.4 ارب ڈالر کا اضافہ ریکارڈ کیا گیا جبکہ گزشتہ مالی سال سے یہ اضافہ ساڑھے 26 فیصد رہا۔
مزید پڑھیں: ترسیلات زر پانچویں مہینے 2 ارب ڈالر سے زائد رہیں، اسٹیٹ بینک
