گوگل نیوز پر ہمیں فالو کریںاسلام آباد: وزیرِ اعظم عمران خان نے ڈہرکی ٹرین حادثے پر افسوس کا اظہار کرتے ہوئے ریلوے کے حفاظتی اقدامات پر تحقیقات کا حکم دے دیا ہے۔
سماجی رابطے کی ویب سائٹ ٹوئٹر پر اپنے پیغام میں وزیرِ اعظم عمران خان نے کہا کہ مجھے گھوٹکی کے مقام پر صبح کے وقت ہونے والے خوفناک ٹرین حادثے سے بے حد افسوس ہوا ہے جس کے نتیجے میں 30 مسافر جاں بحق ہو گئے۔
پیغام میں وزیرِ اعظم عمران خان نے کہا کہ میں نے وزیرِ ریلوے کو زخمیوں کو طبی امداد کی فراہمی یقینی بنانے اور جاں بحق افراد کے اہلِ خانہ کو معاونت فراہم کرنے کیلئے جائے حادثہ پر پہنچنے کی ہدایت اور ریلوے کے حفاظتی اقدامات پر تحقیقات کا حکم دیا ہے۔
Shocked by the horrific train accident at Ghotki early this morning leaving 30 passengers dead. Have asked Railway Minister to reach site & ensure medical assistance to injured & support for families of the dead. Ordering comprehensive investigation into railway safety faultlines
— Imran Khan (@ImranKhanPTI) June 7, 2021
وفاقی وزیرِ انسانی حقوق ڈاکٹر شیریں مزاری کا کہنا ہے کہ آج صبح گھوٹکی میں خوفناک ٹرین حادثہ ہوا۔ ریلوے کا پورا نظام حفاظتی اقدامات اور مرمتی ضروریات کے حوالے سے مکمل بحالی کا متقاضی ہے۔
وزیرِ انسانی حقوق شیریں مزاری نے کہا کہ وزیرِ اعظم نے ریلوے کے پورے نظام پر تحقیقات کا حکم دیا ہے جسے دسیوں برس سے کراسنگز سے لے کر مواصلاتی خطوط تک مسلسل نظر انداز کیا گیا۔
Terrible train accident this morning at Ghotki. The entire railway system in terms of safety and maintenance needs an overhaul. PM is ordering a thorough investigation into this entire system which has been ignored for decades – from unmanned crossings to communication lines.
— Shireen Mazari (@ShireenMazari1) June 7, 2021
یاد رہے کہ اِس سے قبل کراچی جانے والی سر سیّد ایکسپریس ملت ایکسپریس سے جا ٹکرائی جس کے نتیجے میں 30 سے زائد افراد جاں بحق جبکہ 40 سے 50 زخمی ہوگئے۔
یہ افسوسناک حادثہ آج صبح ڈہرکی کے قریب پیش آیا۔سر سید ایکسپریس اور ملت ایکسپریس کے مابین تصادم کے نتیجے میں متعدد افراد بوگیوں میں پھنس گئے۔ زخمیوں کی حالت تشویشناک ہونے کے باعث ہلاکتوں میں اضافے کا خدشہ ہے۔
مزید پڑھیں: سرسید ایکسپریس کا ملت ایکسپریس سے تصادم، 30 سے زائد افراد جاں بحق
