گوگل نیوز پر ہمیں فالو کریںاسلام آباد: وزیر اعظم عمران خان نے خیبر پختونخوا بلدیاتی انتخابات میں شکست کی وجوہات پر تبادلۂ خیال کیلئے آج طلب کیا گیا پارٹی ترجمانوں کا اجلاس ملتوی کردیا ہے۔
تفصیلات کے مطابق وزیر اعظم عمران خان کی زیر صدارت شام کو وزیر اعظم ہاؤس میں ہونے والے پارٹی ترجمانوں کے اجلاس میں ملک کی سیاسی و معاشی صورتحال زیرِ غور آنے والی تھی، تاہم وزیر اعظم نے مصروفیات کے باعث اجلاس ملتوی کردیا۔
کراچی میں شیر شاہ دھماکے میں زخمی شخص جاں بحق، اموات 18ہوگئیں
ملکی سماجی و اقتصادی ترقی میں کاروباری برادری کا اہم کردار ہے،صدر مملکت
پارٹی ترجمانوں کے اجلاس میں ملک کے اہم سیاسی و معاشی معاملات پر گفتگو کے ساتھ استھ خیبر پختونخوا کے بلدیاتی انتخابات پر غور ہونا تھا، جس کے بعد پارٹی ترجمانوں کو اہم ٹاسک بھی دیاجاسکتا تھا، تاہم وزیر اعظم نے اجلاس ملتوی کردیا۔
خیبر پختونخوا بلدیاتی انتخابات میں تحریکِ انصاف کوئی اہم نشست حاصل کرنے میں ناکام رہی۔ جے یو آئی نے میدان مار لیا جبکہ پی ٹی آئی غیر حتمی و غیر سرکاری نرائج کے مطابق زیادہ سے زیادہ نشستیں جیتنے کے مقابلے میں دوسرے نمبرپر آئی۔
بلدیاتی انتخابات میں شکست پر صوبائی حکومت نے مہنگائی کو ذمہ دار قرار دے دیا۔ اراکینِ اسمبلی نے وزیر اعظم سے تحقیقات کا مطالبہ کرتے ہوئے آزادانہ انکوائری کی سفارش کی جس کیلئے وزیر اعظم عمران خان انکوائری ٹیم کے اراکین مقرر کریں گے۔
