شہباز شریف کو اپوزیشن لیڈر نہیں، قوم کا مجرم سمجھتا ہوں۔ وزیر اعظم

اسلام آباد: وزیر اعظم عمران خان نے کہا ہے کہ میں ن لیگ کے صدر شہباز شریف کو قومی اسمبلی کا اپوزیشن لیڈر نہیں بلکہ قوم کا مجرم سمجھتا ہوں اور اگر میں نے مجرم سے مفاہمت کی تو یہ قوم سے غداری ہوگی۔

تفصیلات کے مطابق وزیر اعظم نے گزشتہ روز قوم سے خطاب کرتے ہوئے کہا کہ کورونا کے باعث سپلائی متاثر ہوئی اور اشیائے ضروریہ کی قیمتوں میں اضافہ ہوا۔ شہباز شریف قائدِ حزبِ اختلاف نہیں بلکہ قومی مجرم ہیں، ان سے مفاہمت قوم سے غداری ہے۔

یہ بھی پڑھیں:

وزیر اعظم کی زیر صدارت پی ٹی آئی سینٹرل ایگزیکٹو کمیٹی کا اجلاس آج ہوگا

خطاب کے دوران وزیر اعظم نے کہا کہ مہنگائی پاکستان کا نہیں بلکہ پوری دنیا کا مسئلہ بنا ہوا ہے۔ این آر او مانگنے والے قومی اسمبلی اور سینیٹ میں شور کرتے ہیں، مجھے بات کرنے نہیں دیتے۔ کوشش کی کہ ہر ماہ بعد عوامی سوالات کے جوابات دوں۔

پروگرام آپ کا وزیر اعظم آپ کے ساتھ میں گفتگو کے دوران وزیر اعظم نے کہا کہ پٹرول ایک بار پھر مہنگا ہوسکتا ہے۔ اسلامی فلاحی ریاست کا قیام پی ٹی آئی کا منشور ہے۔ اقتدار میں آئے تو ملک دیوالیہ ہونے کے قریب پہنچ چکا تھا۔

وزیر اعظم عمران خان نے کہا کہ تحریکِ انصاف کے دور میں غربت میں کمی آئی، کسانوں کی آمدنی 73 فیصد بڑھ گئی۔ جی ڈی پی میں 5.37 فیصد اضافہ ریکارڈ کیا گیا۔ حکومت ڈاکوؤں کے ساتھ مفاہمت نہیں کرے گی۔ سیاست میں ڈاکوؤں کا مقابلہ کرنے آیا ہوں۔