گوگل نیوز پر ہمیں فالو کریںاسلام آباد: وزیرِ اعظم عمران خان نے کہا ہے کہ سابق حکمرانوں کی بدعنوانی سے سب سے زیادہ پاکستانی عوام کو نقصان پہنچا ہے۔
سماجی رابطے کی ویب سائٹ ٹوئٹر پر اپنے پیغام میں وزیرِ اعظم عمران خان نے کہا کہ پہلے پانامہ پیپرز نے سابقہ حکمرانوں کی کرپشن اور منی لانڈرنگ کو بے نقاب کیا اور اب براڈ شیٹ کے انکشافات سے ہمارے سابقہ حکمران بری طرح بے نقاب ہورہے ہیں۔
پیغام میں وزیرِ اعظم عمران خان نے کہا کہ بڑے پیمانے پر سابقہ حکمرانوں کی کرپشن اور منی لانڈرنگ سامنے آرہی ہے اور اب یہ سابقہ حکمران عالمی انکشافات کے سامنے وکٹمائزیشن کے کارڈ کے پیچھے چھپ نہیں سکتے۔
Panama Papers exposed our ruling elites corruption & money laundering earlier. Now Broadsheet revelations have again exposed the massive scale of our ruling elites corruption & money laundering. These elites cannot hide behind "victimisation" card on these int revelations.
— Imran Khan (@ImranKhanPTI) January 13, 2021
بدعنوانی کی مذمت کرتے ہوئے وزیرِ اعظم عمران خان نے کہا کہ مذکورہ انکشافات وہی کہہ رہے ہیں جو میں نے اپنی 24 سالہ سیاسی جدوجہد کے دوران کہا کہ یہ بدعنوانی پاکستان کی ترقی کیلئے سب سے بڑا خطرہ ہے۔اشرافیہ اقتدار میں آئی اور ملک کا زوال شروع ہوگیا۔
وزیرِ اعظم عمران خان نے کہا کہ یہ لوگ بیرونِ ملک ناجائز فوائد حاصل کرنے کیلئے منی لانڈرنگ کرتے رہے تاکہ ان پر ملک میں مقدمات نہ چلائے جاسکیں۔ وہ این آر او حاصل کرنے کیلئے سیاسی طاقت استعمال کرتے ہیں اور اسی طرح انہوں نے اپنی دولت محفوظ رکھی ہوئی ہے۔ سب سے زیادہ نقصان پاکستانی عوام کو ہوا۔
3. They do money laundering to stash their ill-gotten gains abroad, safe from domestic prosecution. 4. They then use their political clout to get NROs. That is how they kept their plundered wealth safe. People of Pak are biggest losers:
— Imran Khan (@ImranKhanPTI) January 13, 2021
انہوں نے کہا کہ نہ صرف پاکستانی قوم کی دولت اشرافیہ نے چوری کر لی بلکہ ان کے ٹیکس کا پیسہ این آر اوز کے باعث چوری کی گئی دولت واپس لانے پر خرچ کرنا پڑ رہا ہے۔ یہ انکشافات صرف ایک ٹریلر ہیں۔ ہم براڈ شیٹ سے مکمل شفافیت چاہتے ہیں۔ بتایا جائے کہ سابقہ حکمرانوں نے منی لانڈرنگ کیسے کی اور تحقیقات کس نے روکیں؟
Not only is their nation's wealth stolen by the elites, their taxpayer money, paid for recovering this wealth, is wasted bec of NROs. These revelations tip of the iceberg. We want complete transparency from Broadsheet on our elites money laundering & on who stopped investigations
— Imran Khan (@ImranKhanPTI) January 13, 2021
یہ بھی پڑھیں: تاریخ میں پہلی بار ای سپورٹس کو باقاعدہ کھیل کا درجہ حاصل ہوگا۔فواد چوہدری
