گستاخانہ خاکوں کے معاملے پر وزیر اعظم کا اسلامی سربراہان مملکت کوخط

اسلام آباد: گستاخانہ خاکوں کے معاملے پر وزیراعظم عمران خان نے امت مسلمہ سے توہین رسالتؐ اور اسلاموفوبیا کے خلاف متحد ہونے کی درخواست کی ہے۔

اس سلسلے میں وزیراعظم نے تمام مسلمان ممالک کے سربراہان کو خط لکھ دیا ہے جس میں وزیراعظم نے امت مسلمہ سے توہین رسالت ؐاور اسلاموفوبیا کے خلاف متحد ہونے کی درخواست کرتے ہوئے کہا ہے کہ وقت آگیا ہے کہ مسلم دنیا کے رہنماء متحد ہوکر پوری دنیا کو ایک پیغام دیں۔

My letter to leaders of Muslim states to act collectively to counter the growing Islamophobia in non-Muslim states esp Western states causing increasing concern amongst Muslims the world over. pic.twitter.com/OFuaKGu2c1

— Imran Khan (@ImranKhanPTI) October 28, 2020

وزیراعظم نے بھیجے گئے خط میں کہا کہ اسلام اور ہمارے آخری نبی حضرت محمدؐ کی ناموس پر حملے بند ہونے چاہئیں، آج ہم اپنی امت میں بڑھتی ہوئی تشویش اور بے چینی کا سامنا کر رہے ہیں، مغربی دنیا میں ہمارے پیارے نبی حضرت محمد ؐ پر طنز اسلامو فوبیا کی بڑھتی ہوئی لہر نظر آرہی ہے۔

وزیراعظم عمران خان نے خط میں مزید کہا کہ قیادت کی سطح پر حالیہ بیانات اور قرآن پاک کی بے حرمتی کے واقعات اس بڑھتے ہوئے اسلامو فوبیا کی عکاس ہیں لہٰذا ہمیں مغربی دنیا کو سمجھانا چاہیے کہ ہر مذہب کے اقدار کا اپنا الگ نظام ہے۔

مزید پڑھیں: قومی اسمبلی میں کوئٹہ اور پشاور دھماکوں کیخلاف مذمتی قرار داد منظور