وزیر اعظم آئندہ ہفتے کراچی میں بارش سے متاثرہ علاقوں کا دورہ کریں گے

 اسلام آباد:بارشوں سے متاثرہ کراچی کا جائزہ لینے کیلئے وزیر اعظم عمران خان  آئندہ ہفتے کراچی کا دورہ کریں گے،وزیر اعظم کاآئندہ بدھ کو کراچی جانے کا امکان ہے۔

ذرائع کے مطابق وزیر اعظم کراچی میں بارش سے ہونے والے غیر معمولی نقصانات کا جائزہ لیں گے،وزیر اعظم کراچی میں گورنر سندھ عمران اسماعیل اور وزیر اعلیٰ مراد علی شاہ سے ملاقات کریں گے۔

وزیر اعظم کراچی میں امدادی سرگرمیوں کا بھی جائزہ لیں گے، وزیر اعظم کراچی کی صفائی، پانی، سوریج سسٹم کی بہتری کے خصوصی پر بریفنگ دی جائے گی۔

وزیر اعظم کراچی کے انفراسٹرکچر کی بحالی کے لئے خصوصی اقدامات کی ہدایات دیں گے۔وزیر اعظم نے وفاقی محکموں کو کراچی میں ترقیاتی منصوبوں پر کام تیز کرنے کی ہدایت دیدی۔