گوگل نیوز پر ہمیں فالو کریںاسلام آباد: وزیر اعظم عمران خان نے دورۂ کراچی ملتوی کرنے کے بعد گورنر سندھ عمران اسماعیل کو ہدایت کی ہے کہ شہرِ قائد میں فلائی اوورز کا افتتاح کریں۔
سماجی رابطے کی ویب سائٹ ٹوئٹر پر گورنر سندھ عمران اسماعیل نے اس بات کی تصدیق کرتے ہوئے کہا ہے کہ وزیر اعظم عمران خان کا دورۂ کراچی خراب موسم کے باعث ملتوی ہوگیا ہے۔
دورۂ کراچی ملتوی ہونے کے حوالے سے گورنر سندھ عمران اسماعیل نے کہا کہ وزیر اعظم عمران خان نے مجھے ہدایت کی ہے کہ شیڈول کے مطابق منصوبوں کا افتتاح میں کروں۔ وزیر اعظم تقریب سے خطاب کریں گے۔
گورنر سندھ عمران اسماعیل نے کہا کہ وزیر اعظم عمران خان افتتاحی تقریب سے ویڈیو کنکشن کے ذریعے خطاب کریں گے۔ منصوبوں کا سہرا وزیر اعظم عمران خان کے سر ہے۔ وزیر اعظم کراچی کیلئے نئے منصوبوں کا اعلان کریں گے۔
Due to bad weather conditions PM’s visit to Karachi is postponed. However PM has asked me to inaugurate the projects as per schedule. PM @ImranKhanPTI will address the ceremony through video con. All credit goes to PM khan, he will also announce new projects for Karachi.
— Imran Ismail (@ImranIsmailPTI) March 7, 2020
دوسری جانب وزیر اعظم کی معاونِ خصوصی برائے اطلاعات و نشریات ڈاکٹر فردوس عاشق اعوان نے بھی اس بات کی تصدیق کردی۔ فردوس عاشق اعوان نے کہا کہ گورنر سندھ وزیر اعظم کی نمائندگی کریں گے۔
ٹوئٹر پر اپنے پیغام میں وزیر اعظم کی معاونِ خصوصی فردوس عاشق اعوان نے کہا کہ وزیر اعطم کا دورہ موسم کی خرابی کے باعث منسوخ کردیا گیا، وزیر اعظم کی نمائندگی کرتے ہوئے گورنر سندھ ان منصوبوں کا افتتاح کریں گے۔
معاونِ خصوصی فردوس عاشق اعوان نے کہا کہ کراچی پاکستان کا معاشی مرکز ہے۔ اسے دنیا کے جدید شہروں کی صف میں لانا وزیر اعظم کا وژن ہے۔
وزیراعظم عمران خان کا کراچی کا آج کا دورہ موسم کی خرابی کے باعث منسوخ کردیاگیا ہے۔ وزیراعظم کی نمائندگی کرتے ہوئے گورنر سندھ ان منصوبوں کا افتتاح کریں گے۔ کراچی پاکستان کا معاشی مرکز ہے،اسے دنیا کے جدید شہروں کی صف میں لانا وزیراعظم کا وژن ہے۔@ImranKhanPTI
— Dr. Firdous Ashiq Awan (@Dr_FirdousAwan) March 7, 2020
یاد رہے کہ اس سے قبل وزیر اعظم پاکستان عمران خان نے وفاقی دارالحکومت اسلام آباد میں خراب موسم کے باعث شہرِ قائد کا اہم دورہ ملتوی کردیا۔
مزید پڑھیں: اسلام آباد کے خراب موسم کے باعث اہم دورۂ کراچی ملتوی
