پاکستان کا وزیر اعظم ہوں اور ہم فلسطین کے ساتھ کھڑے ہیں، وزیر اعظم

اسلام آباد: وزیر اعظم عمران خان نے اسرائیلی جارحیت کی شدید مذمت اور فلسطینیوں کی حمایت کرتے ہوئے کہا ہے کہ ہم فلسطین اور غزہ کے ساتھ کھڑے ہیں۔

وزیر اعظم عمران خان نے غزہ پر اسرائیل کی شدید بمباری اور اس کے نتیجے میں درجنوں بے گناہ فلسطینیوں کی شہادت پر ٹوئٹ کرتے ہوئے اظہار خیال کیا۔

وزیر اعظم عمران خان کا اپنے ٹوئٹ میں کہنا تھا کہ وی اسٹینڈ ود غزہ (ہم غزہ کے ساتھ ہیں) اور وی اسٹینڈ ود فلسطین (ہم فلسطین کے ساتھ کھڑے ہیں) انہوں نے اس کا ہیش ٹیک استعمال کیا۔ وزیر اعظم عمران خان کا کہنا تھا کہ میں مملکت پاکستان کا وزیر اعظم ہوں اور ہم فلسطین اور غزہ کے ساتھ کھڑے ہیں۔

I am PM of Pakistan and #WeStandWithGaza #WeStandWithPalestine pic.twitter.com/0Gpb9DxjJG

— Imran Khan (@ImranKhanPTI) May 12, 2021

وزیر اعظم نے اپنی ٹوئٹ میں معروف امریکی دانشور نوم چومسکی کا ایک مقولہ بھی شیئر کیا ہے جس میں انہوں نے ایک فلسطینی کا موقف اس طرح بیان کیا ہے کہ ’تم میرا پانی لے لو، میرے زیتون کے درختوں کوتباہ کر دو، میرا گھر جلا دو، مجھے نوکری سے نکال دو، میری زمین چوری کر لو۔

میرے والد کو قید میں ڈال دو اور میری والدہ کو قتل کر دو، میرے ملک پر بمباری کرو، ہمیں تباہ کر دو لیکن یہ سب کرنے کے بعد بھی مجھے ہی مورد الزام ٹھہرایا جاتا ہے کہ میں نے راکٹ سے حملہ کیا۔ فلسطین کو آزاد کرو۔