وزیراعظم کااحسان مانی کو توسیع دینے کا فیصلہ،رمیز راجہ کا چیئرمین پی سی بی بننے کا خواب چکنا چور

اسلام آباد: وزیراعظم پاکستان عمران خان نے پاکستان کرکٹ بورڈ کے چیئرمین احسان مانی کو مدت ملازمت میں 2 سال کی توسیع دینے کا فیصلہ کرکے رمیز راجہ کے چیئرمین بننے کے خواب چکنا چور کردیئے۔

ذرائع کے مطابق وزیراعظم سے چیئرمین پی سی بی احسان مانی نے ایک بار پھر ملاقات کی جس میں احسان مانی نے پی سی بی اوربین الاقوامی اداروں اورسپانسرزکیساتھ ہونیوالے معاہدوں کی تفصیلات بتائیں۔

ذرائع کے مطابق احسان مانی نے بتایاکہ کچھ ایسے معاہدے ہیں جن کوپایہ تکمیل تک پہنچانے میں ایک سال کا وقت لگ سکتاہے۔احسان مانی نے پی سی ایل کے نشریاتی حقوق،پی ایس ایل فرنچائزز پر بریفنگ  دی۔

مزید پڑھیں:احسان مانی کا دور ختم، اگلے چیئرمین پی سی بی کون ہوں گے؟

ذرائع کے مطابق حسان مانی نے پی سی بی کے درمیان تنازعات اورآئی سی سی فیوچر ٹورز کی میزبانی سے متعلق بھی بریف کیا۔

ذرائع کے مطابق احسان مانی کی پی سی بی کے میڈیا رائٹس کی ڈیل اور پاکستان کرکٹ ٹیم کا ٹائٹل اسپانسرشپ سے متعلق بھی بریفنگ دی ۔ ذرائع کے مطابق وزیراعظم نے احسان مانی کو تمام معاہدوں کو پایہ تکمیل پہنچانے کا ٹاسک دے دیا ۔

ذرائع کے مطابق احسان مانی کا بطور چیئرمین پی سی بی کام جاری رکھنے کا امکان ہے ، رمیزراجہ کو پاکستان کرکٹ بورڈ میں اہم عہدہ ملنے کا بھی امکان ہے ۔